මීතොටමුල්ල ප‍්‍රදේශයේ ඉඩම් ගනුදෙණුවකදී සිදුවූ බව කියන මූල්‍ය අක‍්‍රමිකතාවයක් පිළිබදවයි මෙම ප‍්‍රකාශය ලබාදීමට නියමිතව ඇත. මීට පෙර අවස්ථා දෙකකදී ද ප්රසන්න රණතුංග මහතාගෙන් සහ ඔහුගේ බිරිදගෙන් පොලිස් මූල්‍ය අපරාධ විමර්ශන කොට්ඨාසය ප‍්‍රකාශ ලබාගත්තේය.
ඉකුත් 10 වනදා ද ඔවුන් දෙදෙනාට එම පොලිස් කොට්ඨාසය වෙත කැදවීමක් ලැබී තිබුණත් එදින ඔවුන් එහි පෙනී සිටියේ නොසිටියේය.
කොළඹ කොටුව මහේස්ත‍්‍රාත් අධිකරණය ලබාදුන් නියෝගයක් අනුව ප්රසන්න රණතුංග මහතා සහ ඔහුගේ භාර්යාව අද (20) පොලිස් මූල්‍ය අපරාධ කොට්ඨාසය හමුවට පැමිණියේය.
ප්රසන්න රණතුංග මහතා මෙවර මහමැතිවරණයට තරග කරන බැවින් මෙම වකවානුවේදී ඔහුගෙන් කෙරෙන ප‍්‍රශ්න කිරීම් තාවකාලිකව නතර කරන්නැයි එක්සත් ජනතා නිදහස් සන්ධානයේ මහලේකම් සුසිල් පේ‍්‍රම්ජයන්ත් මහතා මැතිවරණ කොමසාරිස්වරයාගෙන් ඉල්ලීමක් කළ අතර මැතිවරණ කොමසාරිස්වරයා ඒ බව පොලිස්පතිවරයාටද දැනුම්දුන් නමුත් පොලිස් මූල්‍ය අපරාධ විමර්ශන කොට්ඨාසය කොළඹ කොටුව මහේස්ත‍්‍රාත් අධිකරණය හමුවේ කියා සිටියේ සිය විමර්ශනවලට අදාළව ප‍්‍රකාශ ලබාගැනීම ඉක්මණින් කළයුතු බවයි.
