සජින් වාස් ගුණවර්ධන මහතාව මෙලෙස සාමාන්‍ය සිරකරුවන් සිටින වාට්ටුවකට මාරුකර යවා ඇත්තේ කොළඹ මහාධිකරණ විනිසුරු පද්මිනී රණවක ගුණතිලක මහත්මියගේ නියෝගයකට අනුවය.
සජින් වාස් ගුණවර්ධන මහතා චර්ම රෝගයකින් පෙළෙන බව ඔහු අධිකරණයට ප‍්‍රකාශ කළද වෛද්‍ය පරීක්ෂණයකට යොමු කිරීමෙන් අනතුරුව ඔහුට එවැනි කිසිඳු රෝගයක් නොමැති බවට අධිකරණයට කරුණු ඉදිරිපත් වූයේය.
සජින් වාස් ගුණවර්ධන මහතාට චෝදනා එල්ල ව ඇත්තේ ජනාධිපති ලේකම් කාර්යාලයේ වාහන 16 ක් අවභාවිත කල බවටය.
සාමාන්‍ය පුද්ගලයින් වැරදිකරුවෙකු බව අධිකරණයකින් ඔප්පු වූ විට බන්ධනාගාරයට යැවුවද හිටපු මැති ඇමතිවරු වැරදි කළ විට යන්නේ බන්ධනාගාර රෝහල් වලටය. ඔවුන්ට හිටි අඩියේ රෝග වැළදෙන අතර එම රෝග බොහෝමයක් වැළදෙන ආකාරය පුදුම සහගතය.සජීන් වාස්ටද වැළදී ඇත්තේද එබදු පුද්ම සහගත රෝගයකි. නමුත් ඔහුව වෛද්‍ය පරීක්ෂණයකට යොමු කළ විට එම රෝගය පර්යේෂණයට හසු නො‍වේ නම් ඔහු සිදු කරඇත්තේ තවත් මුලාවක්මය.රජයේ දේපල අවභාවිතාවන් සිදු කර තවතවත් බොරු බේගල් ගොතා දඩුවමින් මිදීමට මොවුන්ට කිසිසේත් ඉඩ නොදිය යුතුය.
මැති ඇමති ධුර දැරුවද තමන්ද සාමාන්‍ය ජනතාව අතරින් එක් පුද්ගලයෙකු බව නොසිතන තාක් ඔවුන්ගෙන් ජනතා සේවයක් ඉටු නොවනු ඇත. සජීන් වාස් පමණක් නොව බොහෝමයක් දෙනා මහජන ඡන්දයෙන් පත්ව මහජන දේපල අවභාවිත කර අවසානයේ එයට දඩුවම් විදීමද පැහැර හරින්නට උත්සාහ දරයි.වැරදි කරන්නට පසුබට නොවූවානම් දැන් දඩුවම් විදීමටද පසුබට නොවිය යුතුය. බන්ධනාගාර රෝහල ඇත්තේ රෝගීන් උදෙසා මිස දූෂිතයින්ට සෙවන සැලසීමට නොවන බව වටහා දිය යුතුය.ඉදිරියේදීද දූෂිතයින් බන්ධනාගාර රෝහලේ පිහිට පැතිමට බලා සිටිනවා ඇත.ඒ තත්වය වෙනස් කළ යුතුමය.
