ඊයේ(19) දකුණු අප්‍රිකාවේ ජෙෆ්රි මුහුදු බොක්කේ පැවැත්වීමට නියමිතව තිබූ ජාතික තලයේ surfing ක්‍රීඩා තරඟාවලිය අවලංගු කිරීමට සිදුවුණා. එයට හේතු උනේ ජල ක්‍රීඩා තරඟය පටන් ගත් මොහොතේ ක්‍රීඩකයෙකුට මෝර ප්‍රහාරයක් එල්ල වීමයි.
මෝර ප්‍රහාරය එල්ල උනේ surfing ක්‍රීඩාවේ ලෝක ශූරයෙකු වෙන Mick Fanning වෙතයි. නමුත් Mick කිසිම අනතුරකින් තොරව බේරී තිබෙනවා.
මේ බිහිසුණු අවස්ථාව පිළිබඳ අදහස් දක්වමින් Mick පවසා ඇත්තේ යම් කිසිවක් තමන් පසු පස පැමිණෙන බව දැනගත් මොහොතේ තමන් ඊට කකුලෙන් පහරදුන් බවයි. මේ පහරදීම සිදු කර ඇත්තේ එක් මෝරෙකු පමණක්ද යන්න තවමත් තහවුරු වී නැහැ.
කෙසේවෙතත් මෙම සිදුවීම රූපවාහිනිය ඔස්සේ සජීවීව විකාශය වී තිබෙනවා.
2013 වර්ෂයේදී ජෙෆ්රි බොක්කේදීම එල්ල වූ මෝර ප්‍රහාරයකින් surfing ක්‍රීඩකයෙකු මියගොස් තිබුණා.
