තවමත් මරණය කියන්නෙ මොකක්ද කියලවත් නොතේරෙන වයසෙ මල් කැකුළක් තමයි පුංචි Abby. දරුණු පිළිකා රෝගයකට ගොදුරුව සිටින මේ කුඩා දැරියකගේ විවාහය ඇයගේ ප්‍රියතම හෙද නිලධාරියා සමඟ සිදු කෙරුණා.
වයස අවුරුදු 4ක් වෙන Abby නිව්යෝර්ක් නගරයේ පිහිටා තිබෙන Albany වෛද්‍ය මධ්‍යස්ථානයෙන් ලියුකේමියා රෝගය සඳහා ප්‍රතිකාර ලබාගනිමින් සිටිනවා.
එම රෝහලේම හෙද නිලධාරියෙකු ලෙස සේවය කරන Matt Hickling තමයි ඇගේ ආදරණීය මනාලයා උනේ.
Abbyගේ මව තමන්ගෙ දියණියගේ අනාගත සිහිනය Matt වෙත දන්වා තිබෙනවා. මේ කාරණය Matt හරහා දැනගන්නා රෝහල් කාර්ය මණ්ඩලය ඔවුන් වෙනුවෙන් කුඩා විවාහා උත්සවයක් සංවිධානය කර තිබෙනවා.
ඔවුන්ගේ කුඩා විවාහ උත්සවය මුදු මාරු කරගැනීමෙන් සහ කේක් කැපීමෙන් රෝහල තුලම සිදු කෙරුණා.
