පසුගියදා ජනාධිපති මෛත‍්‍රීපාල සිරිසේන මහතා සිදු කළ විශේෂ ප‍්‍රකාශයද මේ එකඟතාවයන් අනුව සිදුව ඇත. මෙහිදී ජනාධිපතිවරයා මෙරට ඉතිහාසයේ අන් නායකයකු නොකළ ආකාරයේ ප‍්‍රජාතන්ත‍්‍රවාදී භාවිතාවක් ගැන යම් කරුණු දැක්වීමක්ද සිදු කළ අතර අනාගත ශ්රී ලංකාවේ ප‍්‍රජාතන්ත‍්‍රවාදී පාලන ව්‍යුහයේ වෙන නව්‍ය වෙනස්කම් ගැනද ඉඟියක් ලබා දුන්නේය. මේ වෙනුවෙන් මහින්ද රාජපක්ෂ මහතාට හිතවත් කණ්ඩායම දේශපාලනයෙන් නෙරපා හැරීම ද මෙම එකඟතාවයේ තවත් අරමුණක් වී තිබේ. එමෙන්ම ජනාධිපතිවරයාගේ ආන්දෝලනාත්මක ප‍්‍රකාශය පිළිබඳ ජනාධිපතිවරයාට සමීප පුද්ගලයන් පවා නොදැන සිටි නමුත් අගමැතිවරයා ඒ සම්බන්ධයෙන් පූර්ණ අවබෝධයකින් පසුවූ බවත් එම ආරංචිමාර්ග පෙන්වා දෙයි.
ජනාධිපතිවරයා හා අගමැතිවරයා අතර මෙම එකඟතාව ගොඩනැංවීම වෙනුවෙන් ශ්රී ලංකාවේ විදේශ අමාත්‍යාංශය ද පසුගිය කාලයේ විශේෂ රාජතාන්ත‍්‍රික මැදිහත් වීමක් සිදුකර ඇත.
ශ්රී ලංකාව තුළ සිවිල් යුද තත්ත්වයක් ඇති නොවී ඒකාධිපති පාලනයක් වෙනස් කිරීම වෙනුවෙන් බලය හුවමාරු කර ගැනීම හා එය පවත්වාගෙන යාම සම්බන්ධයෙන් මෛත‍්‍රීපාල සිරිසේන මහතා හා අගමැති රනිල් වික‍්‍රමසිංහ මහතා අනුගමනය කළ පිළිවෙත් මේ වන විට ප‍්‍රජාතන්ත‍්‍රවාදී පාලන ක‍්‍රම සම්බන්ධයෙන් වන ජාත්‍යන්තර විශ්වවිද්‍යාල මට්ටමේ අධ්‍යයනයන්ට ද පාත‍්‍ර වෙමින් තිබෙන බවත් මේ අතර වාර්තා වේ.
කෙසේ නමුත් ඉන්දියාව මෙරට දේශපාලනය හැසිරවීම සඳහා මැදිහත් වීම සම්බන්ධයෙන් මහජන චීන සමූහාණ්ඩුව ද දැඩි විමසිල්ලෙන් පසුවේ. චීනය ඍජුවම මහින්ද රාජපක්ෂ මහතා වෙත අනුග‍්‍රහය දක්වන පිළිවෙතක සිටී.
සත්හඬ
