මේ සඳහා අන්තර්ජාලය , ෆේස්බුක් මෙන්ම ජංගම දුරකථන කෙටි පණිවිඩ ද බහුලවම යොදාගන්නා බව තෙන්නකෝන් මහතා පවසයි. ප්‍රධාන දේශපාලන පක්ෂ 3ක අපේක්ෂකයින් මෙලෙස එකනෙකාට අපහාස කර ගනිමින් වෛරී මැතිවරණ ව්‍යාපාරයක නිරත වන බවත් එම තත්වය එම පක්ෂවල නායකයින් සහ මහ ලේකම්වරු විසින් පාලනය කර ගත යුතු බවත් කීර්ති තෙන්නකෝන් මහතා පෙන්වා දෙයි.
මේ වනවිට කැෆේ සංවිධානය වෙත වාර්තා වී ඇති සිදුවීම් සංඛ්‍යාව 372 ක් වන අතර එයින් 352 ක් මැතිවරණ නීති උල්ලංඝණය කිරීම් වෙයි.අනිකුත් සිදුවීම් 20 ප්‍රචණ්ඩ ක්‍රියා ලෙස සටහන් වී ඇත.
බල ලෝභය පදනම්ව එකම පක්ෂයක එකම කුලකයක යන සාධකය පරදුවට අනෙකා පරයා ඉස්මතුවීමට උත්සාහ දැරීම පවතින මැතිවරණ ක්‍රමයේ ස්වරූපය වී ඇත.මේ හේතුවෙන් කොහොමහරි හරි බලයට ඒමේ න්‍යාය ක්‍රියාවට නැංවීමට කෙක්කන් බැරිනම් කොක්කෙන් හෝ කටයුතු කරන්නට ඡන්ද අපේක්ෂකයන් නොපසුබට වී ඇත. නූතන තාක්ෂණයද උපයෝගී කර ගෙන ගජරාමයට පවත්වාගෙන යන තර්ජන ව්‍යාපාරය මේ වන විට වැඩිදියුණු වෙමින් පැවතීම දක්නට ලැබේ.
මැතිවරණ ක්‍රමය වෙනස් කිරීමට යන ගමන කකුලෙන් ඇද අඩාල කර දැමූ දේශපාලන පිළිවෙතක් තුළ මෙය බලාපොරොත්තු වූ තත්වයකි. නමුත් මේ වෛරී මැතිවරණ ව්‍යාපාරයේ ස්වරූපය මේ වතාවෙන් අවසාන කර ගත යුතුය. අගෝස්තු 17 දායින් පසු පත්වන නව පාර්ලිමේන්තුව ඒ උදෙසා කටයුතු යොදනු ඇති බව අප විශ්වාස කරමු.
