එල්ටීටීඊයට එරෙහි යුද්ධයේදී ඔහු යම් මෙහෙවරක් කළ අතර එයින් 'රණවිරුවකු'ලෙස බෞතිස්සම වූයේය. යුද්ධයෙන් අනතුරුව ඔහු රාජපක්ෂවරුන්ගේ දේශපාලන වුවමනා එපාකම් වෙනුවෙන් පෙනී සිටියේ 'රණ විරුවකුට' තරම් නොවන ලෙසය.
මිරිහාන ප්‍රදේශයේදී අණ නොතකා ධාවනය වෙමින් පැවති සුදු පැහැති මෙම වෑන් රථය නවත්වා එහි ගිනි අවි සමග සිටි තිදෙනෙකු පොලීසිය අත් අඩංගුවට ගන්න ලදී .මෙම සිදුවීම මහින්දවාදීන් මහින්ද රාජපක්ෂ මහතා ඝාතනය හෝ පැහැර ගැනීමට වත්මන් ආණ්ඩුව ගන්නා ලද උත්සාහයක් බවට පුවත් පළ කරන ලදී.
මිරිහාන පොලීසියේ ප්‍රකාශකයෙකු සඳහන් කලේ අත්අඩංගුවට ගත් තිදෙනා සිවිල් ඇඳුමින් සැරසී සිටි යුද හමුදා සෙබළුන් බවයි. ඔවුන් පවසා ඇත්තේ තමන් මේජර් ජෙනරල් ප්‍රසන්න සිල්වාගේ ආරක්ෂාවට යොදවා ඇති බවය.
මේ අතර අදාල වෑන් රථය පිලිබඳව සොයා බැලීමේදී හෙලි වී ඇත්තේ අදාළ වාහන අංකය කැබ් රථයකට අයත් එකක් බවයි. මේ අනුව අදාල සෙබලුන් තිදෙනා රඳවාගෙන ප්‍රශ්න කරන බව පොලිසිය පැවසීය.
මේ අතර අප කළ විමසීමකදී හමුදාපතිවරයා සඳහන් කළේ අදාල සෙබලුන් තිදෙනා මේජර් ජෙනරල් ප්‍රසන්න සිල්වාගේ ආරක්ෂාවට යොදවා සිටින බවයි. කෙසේ වෙතත් ව්‍යාජ අංක තහඩු සහිත වෑන් රථයක සිවිල් ඇඳුමෙන් සැරසී ගිනි අවි රැගෙන යාම යුද හමුදා නීතිය උල්ලංඝණය කිරීමක් බව ඔහු අවධාරණය කළේය.
එහෙයින් මේ සම්බන්ධයෙන් කඩිනම් පරික්ෂණයක් කිරීමට යුද හමුදා පොලීසියට නියෝග කර ඇතැයි ද ඔහු සඳහන් කලේය.
මෙම සිද්ධිය පසුපස රාජපක්ෂවරුන් සිටීදැයි පරීක්ෂණ අරඹා තිබේ.
lankaleacks.info ඇසුරෙණි
