LTTE සංවිධානයට අයත්ව තිබූ වාහන මෙන්ම ත්‍රස්තවාදීන් විසින් දකුණෙන් කොල්ලකාගත් සහ ඉතා අඩු මිලට ලබාගත් වාහන විශාල ප්‍රමාණයක් යුද්ධයේ නිමාවත් සමඟම හමුදාව විසින් සොයාගෙන තිබිණ.
එම වාහන අතරින් වටිනා වාහන කොටින් විසින්ම විනාශ කර තිබූ අතර සමහර බාගෙට පිළිස්සී තිබිණි. ඒ අතර වූ තවත් වාහන හොඳ තත්ත්වයේ පැවතිණි. එම වාහන සියල්ල මුලතිව් ප්‍රදේශයේ එක්තරා විශාල බිම් ප්‍රමාණයක ගොඩගසා තිබිණි.
මීට වසර දෙකකට පමණ පෙර එම වාහන සියල්ලම යන්ත්‍ර මඟින් කුඩු කර යකඩ කෑලි බවට පත්කර කන්ටේනර් පිටින් දකුණට ගෙනවිත් විශාල මුදලකට අලෙවි කර තිබේ.
පසුගිය රජය සමයේ සිටි ප්‍රබල දේශපාලනඥයකුගේ උපදෙස් මත එම වාහන සියල්ලම එසේ යකඩවලට විකුණා ඇතැයිද ආරංචි මාර්ග සඳහන් කරයි. කෙසේ වෙතත් පසු ගිය රාජ්‍ය පාලන සමයේ සිදුවූ සියලුම සොයා ගැනීම් වලින් රාජපක්ෂලා ප්‍රයෝජන ගත් බව පැහැදිලිය. සියලුම සම්පත් පහළ වී අැත්තේ රාජපක්ෂලාගේ පරිහරණයට බව ඔවුන් තීන්දු කළා විය හැකිය. කෙසේ වෙතත් සිව් මහ බබුන් පෑ පෙළහරින් පහළ වූ බවට උදම් අනමින් වාහන තලා, යකඩ තනා,යකඩ වලට විකුණාගෙන අැත.ඔහු සිදුකර අැත්තේ රටේ අයිතිකාරයා නොව භාරකාරයා කියමින් කළ ජනතාව මුලාවක දමා සියලු සම්පත් හූරා කෑමක්මය.
දිනමිණ අැසුරින්
