රාජපක්ෂ අාණ්ඩු සමය තුළ අාදායම් බෙදී යාමේ විෂමතාවය වැඩිවූ බවත් පහළ අාදායම් ලබන 20%ක් වූ ජනතාවට මුලු අාදායමෙන් ලැබුණු 4%ක් වූ අාදායම ඒ ප්‍රමාණයේම පැවතුනු බවත් වැඩිම අාදායම ලබන 20%ක්වූ පිරිස මුලු අාදායමෙන් 50%ක් හිමි කර ගත් අතර රාජපක්ෂ සමයේ ඔවුන්ට හිමිවූ ඒ අාදායම 55% දක්වා වැඩිවූ බවත් පැවසුවේය.

මේ අනුව පැහැදිලි වන්නේ දුප්පතුන් තවත් දුප්පතුන් ලෙසම තැබූ රාජපක්ෂලා පෝසතුන් තවත් පෝසතුන් කර අැති බවත් සුපිරි ධනවතුන් ලෙස කුඩා කණ්ඩායමක් බිහිකර අැති බවත් පැවසුවේය.

දැවැන්ත අාර්ථික විප්ලවයක් සදහා යහපාලන එක්සත් පෙරමුණ සූදානම් බවත් ඒ හරහා සාමාන්‍ය මිනිසුන්ගේ අාර්ථිකය නැංවීමට සූදානම් බවත් අමාත්‍යවරයා පැවසුවේය.

රාජපක්ෂ අාණ්ඩුව ඔවුන්ගේ කාර්යය භාරය පුළුල් කරනු ලැබුවේ ඔවුන්ගේ සුභ සිද්ධිය උදෙසා වූවත් තම රජය යටතේ ජනතාව සදහා පුළුල් කාර්ය භාරයක් ඉටු කිරීමට සුදානම් බව පැවසුවේය. පසුගිය අාණ්ඩුව කටයුතු කර අැත්තේ ජනතාවට නොව ඔවුන්ට සම්බන්ධ පුද්ගලයින්ගේ බැංකු ගිණුම් තර කිරීමට බව පැවසුවේය.

මහින්ද රාජපක්ෂ හිටපු ජනාධිපතිවරයා නව ලිබරල්වාදයට විරුද්ධ බව ප්‍රකාශකරමින් පොදු ජනතාව උදෙසා මහින්ද චින්තනය දියත් කළ බව පැවසුවද දැන් ඔවුන් දියත් කළ සංවර්ධනයේ සැබෑ ස්වරූපය හෙළිදරව් වී අැති බව පැවසුවේය.

දළ දේශීය නිෂ්පාදනයට සාපේක්ෂව කලාපයේ රටවල් අතර අධ්‍යාපනයට සහ සෞඛ්‍යයට අඩුවෙන්ම වියදම් කළ රට බවට ලංකාව හදුනාගත හැකිවී අැති බවත් පැවසුවේය.

රාජපක්ෂලාෙග් සංවර්ධන ව්‍යාපෘති අතරින් වනාතමුල්ලේ දෙමළගොඩ ප්‍රදේශයේ තට්ටු නිවාස ව්‍යාපෘතිය දැක්විය හැකි බවත්, එවායේ පිරිවැය ලෙස බොරු මිලක් ඉදිරිපත් කළ බවත් පාර්ලිමෙන්තුවේදී ඒ සදහා වූ පිරිවැය ලක්ෂ 70ක්වූ බවත් පැවසූවත් දැන් ඔවුන්ගේ රෙදි ගැලවී අැති බවත් ඒ සදහා ගිය සැබෑ පිරිවැය ලක්ෂ 30 බව හෙළිදරව් වූ බවත් පැවසුවේය.

රජයේ අායතන හෙන්චයියන්ට භාරදී බැංකු ගිණුම් තර කරගෙන මිනිසුන්ට හොද මුහුණක් පෙන්වා යටින් ධනවාදී ගජමිතුරු ප්‍රතිපත්තියක් ගෙන ගිය අතර උපක්‍රමශීලීව ප්‍රධාන පෙළේ බැංකු අල්ලා ගෙන දූෂිතයින්ගේ ගුහාවල් වූ අාර්ථික සංවර්ධන අධිකාරිය සහ මාර්ග සංවර්ධන අධිකාරිය දියත් කළ ව්‍යාපෘති වලට සමාන්‍ය ජනතාවගේ තැන්පතු ක්‍රමවේදයකින් තොරව යොදවා ගත් බවත් පැවසුවේය.

රාජපක්ෂලා දැවැන්ත සංවර්ධනයක් සිදු කරන බව පවසමින් අායෝජනය කළ මුදල් වලින් විශාල ප්‍රමාණයක් අාගිය අතක් නැති අතර ඔවුන්ගේ මේ සුදු කරපටි වංචා දැන් හෙළිදරව් කර ගෙන යමින් පවතින බවත් පැවසුවේය.

දැන් රටට අාර්ථික සාධාරණත්වයක් අවශ්‍ය බවත් යහපාලනය සදහා වූ එක්සත් පෙරමුණ මේ අසීරු අභියෝගය භාරගන්නා බවත් එය හෙට දින එළි දකින බවත් පැවසුවේය.

ඒ අනුව ඉදිරියේදී සමාජ සාධාරණත්වය සමග වෙළදපල තරගකාරීත්වය අතර සුසංයෝගයක් අැති කර ලංකාව තිරසාර සංවර්ධන මාර්ගයක රැගෙනයාම සදහා කටයුතු කරන බව පැවසුවේය.