පසුව මෛත්රීපාල සිරිසේන මහතාට සහයෝගය පිණිස අවසන් මොහොතේ ඉදිරිපත් වී ඒ අනුහසින් දැනටත් අවුරුදු කන අතර පසුගිය දා විල්පත්තුව ද එළිකරමින් අවුරුදු කෑ බව අපට මතකය. ගැටළුව නම් මොවුන්ට සිය ඡන්දය ප්‍රකාශ කරනා අහිංසක ජනතාව අවුරුදු කන්නේ කවදා ද යන්නයි.
අළුත්ගම ගිනි තබද්දී ඇමති පුටුවේ යහතින් වැජඹෙමින් ජාතිය හෝ ආගම ගැන නොකියා බැරි කමට කෙඳිරි ගගා උන් රිශාඩ්ලා හෙටද ආගමේ හා ජාතියේ නාමයෙන් චන්දය හිඟාකනු ඇත. බලය ඉදිරියේ හැම අතටම කොන්ද නවනා උන්ගෙන් මොනම ජාතියකට හෝ ආගමකට මොනම දෙයක් හෝ නොලැබෙන බවද, හැම තක්කඩියාගේම අවසාන රැකවල් ස්ථානය ජාතිය බවද රටේ ජනතාව උගෙන ගත යුතුය. මෙය මේ දිනවල ජාතිය ආගම විකුණනා කාටත් අදාලය.
අදාල සී නිව්ස් පුවත පහළින්.
මෛත්රීපාල සිරිසේන මහතා මහතා ජනාධිපති වූ පසු අපට හැමදාම අවුරුදු වගේ යයි කර්මාන්ත හා වාණිජ කටයුතු ඇමති රිෂාඞ් බදියුදීන් මහතා පවසයි.
ජනාධිපතිවරයාගේද සහභාගීත්වයෙන් කිලිනොච්චියේ පැවති උත්සව සභාවක් අමතමින් ඔහු මෙසේද කියා සිටියේය.
‘අපිට පසුගිය කාලයේ බයක් තිබුණා. දුරකථනයකින් කතා කරන්නත් බයයි. මම සමහර ඇමතිවරුන්ට කතා කරන කොට දුරකථනයෙන් කතා කරන්න එපා ඇවිල්ලා හම්බවෙලා කතාකරන්නකෝ, කියලා කියපු කාලයකුත් මට මතකයි. නමුත් ඔබතුමා ජනාධිපති වෙච්ච දවසේ ඉදන් අපිට අවුරුදු වගේ. ලංකාවේ ජීවත් වුණාට බෞද්ධ, කතෝලික, හින්දු ඉස්ලාම් වගේ අනිකුත් සියලූමදෙනා ඔබතුමා ජනාධිපති වුණාට පස්සේ සතුටින් සමගියෙන් ජීවත් වෙනවා. ඒ නිසා තවත් වතාවක් ඔබතුමා අපේ රටේ ජනාධිපති වෙන්න ඕන කියල අපි බලන් ඉන්නවා. ඒ වගේම අනාගතයේත් ඔබතුමා වගේ ජනාධිපතිවරයෙක් පත් වෙන්න ඕන කියලයි අපි හිතන්නේ’
