මෙයට මූලික හේතුව වී ඇත්තේ එක්සත් ජාතික පක්ෂයේ ජාතික ලැයිස්තුවේ දෙවැන්නාට නම සඳහන් වූවද එම මන්ත්‍රීධුරය නොලැබෙන බව තහවුරුව ඇති බැවිනි. ඊට හේතුව වශයෙන් සඳහන් වන්නේ භික්ෂූන් වහන්සේට එජාපයේ මන්ත්‍රීධූර ලබා නොදෙන බවට මීට පෙර ගෙන ඇති ප්‍රතිපත්තිමය තීරණය මතය.
ඊට විරෝධය පලකිරීමක් ලෙස මෙම තීරණය ගන්නා බව මේවන විටත් එජාපයේ වගකිව යුත්තන් වෙත දැනුම් දී තිබෙන බවත් වාර්තාවේ. කෙසේ නමුත් රතන් හිමි සන්ධානයට සහය දැක්වීම සඳහා ඉදිරිපත් වූවද ජනාධිපති මෛත්‍රීපාල සිරිසේන පාර්ශ්වය හා සමීපව කටයුතු කරනු ඇති බවත් වාර්තාවේ.
රතන හිමි නියෝජනය කරන සංවිධානය 'පිවිතුරු හෙටක්' වන අතර එහි ලේකම්වරයා ලෙස කටයුතු කරන්නේ ඇමැති රාජිත සේනාරත්න මහතාගේ පුත් චතුර සේනාරත්නයි. ඔහු මෙවර එක්සත් ජාතික පක්ෂයේ අපේක්ෂකයකු ලෙස ගම්පහ දිස්ත්‍රික්කයෙන් තරගවදී.
