අලූත්කඬේ මාර්ගයේ පැමිණි සුදු වෑන් රථයක සිටි පිරිසක් විසින් අමිලව පැහැර ගැනීම සිදු කොට ඇත්තේ පස්වරැ 2.40ට පමණ ඔහුගේ බිරිද සහ පවුලේ ඥාතීන් බලා සිටියදීමය.
කෙසේ වෙතත් තම සැමියා පොලීසිය විසින් අත්අඩංගුවට ගන්නට ඇති බවට සැක කල ඔහුගේ ඥාතීන් රහස් පොලීසිය වෙත ගොස් ඒ ගැන විමසීමක් කිරීමේදී එසේ අත්අඩංගුවට ගැනීමක් නොකළ බව ඔවුන් දන්වා තිබේ.
කෙසේ නමුත් භාරත ඝනනයට හවු වූ ගලබොඩ ප්‍රියන්ත නම් තැනත්තාවද පසුගිය රාජපක්ෂ පාලන සමයේදී රහස් පොලි අත් අඩංගුවට ගෙන මරා දැමා ඇති බව සඳහන්ය. එමෙන්ම මේම් ඝාතන සිදුවීම ගැන සත්‍ය තොරතුරු දන සිටි කොට ලක්ෂ්මන් නම් තැනත්තාවද රහස්පොලිස් අත් අඩංගුවට ගැනීමෙන් පසුව ඝාතනය කළ බව පැවැසේ.
මෙම පුද්ගලන් තිදෙනාම දුමින්ද සිල්වාගේ ආරක්ෂකයන් ලෙස කටයුතු කළ අයය. භාරතට වෙඩි තැබූ පලමු පුද්ගලයා ගලබොඩ ප්‍රියන්ත බවද හෙළිව තිබිණි.
මෙම පැහැර ගැනීම සිදු කිරීම පි‍ටුපස සිටින්නේ කවුරුන්ද යන්න අනාවරණය වී නොමැති නමුත් දුමින්ද සිල්වාව මෙම ඝාතන චෝදනාවෙන් බේරා ගැනිම සඳහා පසුගිර රජයේ ආරක්ෂක ප්‍රධානියකු විශේෂ මහන්සියක් දැරු බව පැහැදිලි කරුණකි.
