මොවුන් දෙදෙනා එල්ටීටීඊ සංවිධානයේ සිට කරුණා අම්මාන් සමඟ පැමිණ බුද්ධි අංශවල රාජකාරි කළ දෙදෙනෙකි. දෙමළ ජාතිකයන් දෙදෙනා මෙම මෙහෙයුමට සම්බන්ධ වී ඇත්තේ එවකට ආරක්ෂක අංශයක ලේකම්වරයෙකුගේ උපදෙස් මතය.
මොවුන් දෙදෙනා විසින් රාජගිරියේදී පැහැරගත් එක්නැලිගොඩ මහතා, මින්නේරිය ගිරිතලේ හමුදා කඳවුරට රැගෙන ගොස් හමුදාවේ කර්නල්වරුන් දෙදෙනෙකුට බාරදී ඇත. එවකට බුද්ධි අංශයේ සිටි නිළධාරීන් කිහිප දෙනෙකු හා දේශපාලනයට සම්බන්ධ මැරයෙකුද මේ සිදුවීමට සම්බන්ධ බවටද තොරතුරු වාර්තාවේ.
කර්නල්වරුන් දෙදෙනා ද අත් අත්අඩංගුවට ගැනීමට නියමිතය බව ඉහත ආරංචිමාර්ග වැඩිදුරටත් පවසයි.
එදින ප්‍රගීත් පැහැරගෙන යාමට පැමිණි කණ්ඩායම ඒ සදහා භාවිතා කළ දුරකථනයෙන් අවසන් ඇමතුම ලබාගෙන ඇත්තේ බකමුණ ප්‍රදේශයේදීය.
ප්‍රගීත් පැහැරගැනීම සම්බන්ධයෙන් කළ පොලිස් පරීක්ෂණ පසුගිය යටගසා තිබුණ ද මෙම පැහැරගැනීම ගැන බොහෝ තොරතුරු ඉදිරි සති කිහිපය තුළ හෙළිදරවු වනු ඇතැයි දැනගන්නට ඇත.
