2010 ජනාධිපතිවරණය සරත් ෆොන්සේකා මහතා පරාජයට පත්වන බව මුලින්ම අනාවැකියක් පැවැසූවේ ඔහුය. එමෙන්ම ඔහුට සිරගත වීමට සිදුවන බවද පැවැසීය. මේ හේතුව නිසාම ඔහුට මරණ තර්ජනය එල්ලවූ අතර, එම තර්ජනය එල්ල කළ පුද්ගලයාද අනිවාර්යෙම සිරගත වන බව ඔහු පැවැසූ අතර එය එසේම සිදුවිය. ඉන්පසුව පසුගිය වසරේදී ජනාධිපතිවරණයක් පැවැත්වීම ගැන නිශ්චිතව නොමැතිව තිබු කාලයේදී ඉදිරි ජනාධිපතිවරණයෙන් මහින්ද රාජපක්ෂ පරාජයට පත්වන බව ඔහු කීවේය. මේ නිසාම ඔහු ව ගෝඨබය රාජපක්ෂ විසින් බලහත්කාරයෙන් ගෙන්වගෙන එම ප්‍රකාශයන් වෙනස් කරන ලෙසට තර්ජනය කර තිබිණි. එහෙත් ඔහු නැවතත් පැවසූවේ රාජපක්ෂ ආණ්ඩුව අවසන් වන බවය.
මෙවර මහ මැතිවරණයෙන්ද සන්ධානය පරාජයට පත්වන බවත් මහින්ද රාජපක්ෂට අගමැතිධුරය නොලැබෙන බවත් පවසා තිබේ. ඔහුගේ අලුත්ම අනාවැකිය වූයේ කුරුණැගල දිස්තික්කයේ බහුතර ඡන්ද සංඛ්‍යාව විපක්ෂය ලබා ගන්නා බවය.
මේ තත්වය මත මහත් සේ කළඹල වී සිටින සන්ධානය නායකයන් පසුගිය දින කිහිපයේදීම පී ඩී පෙරේරා මහතා මුණ ගැසී තමතමන්ගේ හඳහන් බලන්නට පෝලීමේ පැමිණෙන බව වාර්තාවෙයි.
