දිනකට පෙදරේරුවන් ඇතුළු සේවකයන් 150කට අධික පිරිසක් මෙහි සේවයේ යෙදි සිටිති. කුඹුරු අක්කර දෙදහසකට පණ දෙන ගෙරිකටුවැවේ ප්‍රමාණය අක්කර විස්සකි. ඉන් අක්කර දහයක් ශෂීන්ද්‍ර සිය හෝටල් ව්‍යාපෘතිය සදහා පවරාගෙන ඇත.
මෙම වැව ගොඩකිරීමෙන් දැඩි පාරිසරික හානියක් සිදු වන අතර, ගොවිතැනට අවශ්‍ය ජලය සපයා ගැනීමද දුෂ්කර වී තිබේ. හෝටලය සදහා සංචාරකයන් ගෙන්වා ගැනීමට සීප්ලේන් යොදාගැනීම සදහා සැලසුම් කර ඇති අතර, හෝටලයේ ඉදිකිරීම් අවසන් වනතෙන් වැව් බැම්මේ කොටසක් කපා ඉවත් කර අතිරික්ත ජලය බැසයාමට සලස්වා තිබේ. ඉදිකිරීම් අවසන් වූ පසුව වැවේ ජලය පිරවීමට සූදානම් කර තිබේ. ජලය පිරවීමෙන් පසු මෙහි ඉදි කර ඇති කබානා ජලය මතුපිට සිටින සේ පෙනීමට සැලසුම් කර ඇත. එනම් කොන්ක්‍රීට් කණු මත එම කබානා ඉදි කරමින් සිටී.
වැවට අයත් අක්කර දහයක රක්ෂිතය කටු කම්බි, දැල් සහ තාප්ප යොදා ආවරණය කර තිබේ. ඉදිකිරීම් භූමියට කිසිවකුට ඇතුළු වීමට අවසර නොදෙන නිසාම සාමාන්‍ය ජනතාවට එම ප්‍රදේශය තහනම් කලාපයකි.
ගෙරිකටුවැව 2002 වසරේදී ප්‍රතිසංස්කරණය කර ගොවි ජනතාවට ජල පහසුව ලබා දී ඇත්තේ එවකට අගමැති වු රනිල් වික්‍රමසිංහ විසිනි. ඔහු අගමැතිධූරය දරන මේ යහපාලන ආණ්ඩු සමයේ පරිසර නීති සියල්ල උල්ලංඝනය කරමින් ගෙරිකටුවැවේ ශෂීන්ද්‍ර රාජපක්ෂ හෝටලයක් ඉදි කිරීම පුදුම සහගතය.
lankanewsweb.net
