මෙම කුමන්ත්‍රණකාරීන්ගේ පාර්ශ්වය වෙනම කවයක් ලෙස කටයුතු කරන අතර එම පිරිසට ගොඨාභය රාජපක්ෂ, ශිරාල් ලක්තිලක, කිලී මහරාජා, දයාන් ජයතිලක, අතුරලියේ රතන හිමි,මලිත් ජයතිලක, අශෝක අභයගුණවර්ධන, ටිරාන් අලස් හා සජිත් ප්‍රෙමදාස සම්බන්ධව සිටින බවත් එම ආරංචි මාර්ග සඳහන් කරයි. ඊයේ ජාතික පුවත්පත් කිහිපයක ජනාධිපතිවරයාගේ රුව ඇතුලත් දැන්වීම් පළකර ඇත්තේ එම කණ්ඩායම විසින් බවද දැන ගැනිමට තිබෙන අතර ඉදිරි දින කිහිපය තුලදී ජනාධිපතිවරයාව සන්ධානයේ ජයග්‍රහණය වෙනුවෙන් යොදා ගැනීමටද නියමිතය. මහින්ද රාජපක්ෂ මහතා තමන් ජනාධිපතිවරයාගේ නායකත්වය පිළිගන්නා බවට ප්‍රසිද්ධ ප්‍රකාශයක් කිරීමටද නියමිතය. එම ප්‍රකාශයෙන් අනතුරුව අතුරලියේ රතන හිමිගේ සහය සන්ධානයට බව එ හිමි ප්‍රකාශයට පත් කෙරෙනු ඇති බවත් එම ආරංචි මාර්ග සඳහන් කරති.
එමෙන්ම සන්ධනයේ මැතිවරණ ප්‍රචාරක කටයුතු වෙනුවෙන් මහින්ද රාජපක්ෂගේ රුව වෙනුවට ජනාධිපතිවරයාගේ රුව යොදා ගැනීමටද තීරණය වී ඇත. රාජපක්ෂ මහතා ජනතාව අතර දිනෙන් දිනම අපකීර්තියට පත් වීමත් නිසා මෙම තින්දුව ගෙන ඇත.
