මෙම සිතියමට අනුව ISIS ත්‍රස්තවාදීන් අත්පත් කරගැනීමට බලාපොරොත්තු වන අති විශාල බිම්කොටසට දක්ෂිණ යුරෝපය ද අප්‍රිකාවේ විශාල කොටසක් ද මධ්‍යම හා දකුණු ආසියාව ද ඇතුලත් වේ. එම සිතියමට අනුව ඉදිරි වසර පහ තුලදී අයත් කරගන්නා රටක් ලෙස ලංකාවද ලකුණු කොට තිබේ.
කෙසේ නමුත් මේ සමඟ වන සිතියම අලුත් දෙයක් නොවේ. මීට වසර ගනනවකට පෙර සිටම මෙවැනි සිතියම් කිහිපයක්ම විවිධ ඉස්ලාම් අන්තවාදී ත්‍රස්ත සංවිධාන විසින් මාධ්‍යට නිකුත් කර ඇත. එහෙත් මේවන තුරුත් මැදපෙරදිග රටවල ප්‍රදේශ කිහිපයක කාලයක් තිස්සේ කෙරුණු දිග්ගැසුණු ප්‍රහාරයන් හැර ,ස්ථිරව බලය පිහි‍ටුවාගත් ගත් නගරයක් හෝ ඇත්තේ නැත. ඊටත් වඩා අත්පත් කරගෙන ඇත්තේ දරුණු පරාජයන් පමණි. එයද තමන්ගේම ජාතිය ආගම අදහන වර්ගයාට එරෙහිව කළ සටන් වලදීය. මේ අන්තවාදීන්ට ලබා ගත හැකි ජයග්‍රහණයක් නැත. ඒ අනුව 2020 දී මේ කියන සිහින සැබෑ කර ගැනිම හීනයක්ම පමණකි.
මුස්ලිම් වරු ලෝක පරිමාණයෙන් ව්‍යාප්ත වීමයි, මෙම අන්තවාදී අධිපත්‍යය පිහි‍ටුවීමයි කාරනා දෙකකි. ලෝක පරිමාණයෙන්ම ගත්තද මුස්ලිම් සමාජයේ සාතිශය බහුතරය මේ අන්තවාදය පිළිගන්නේ නැත.
එම නිසා මේ සිතියම් දැක කලබල වෙන්නට දෙයක්ද නැත. මේ මොහොතේ අයි එස් අයි එස් ත්‍රස්තවාදීන් 2020 දී මේ රට අල්ල ගැනීමට සුදානම් වෙනවා කියමින් සිංහල බෞද්ධ වර්ගවාදයට පක්ෂ පාත කොටස් හා ඒ මතය වෙනුවෙන් පෙනී සිටින රාජපක්ෂවාදී මාධ්‍යන් උත්සහ කරන්නේ 'ඔන්න 2020 වෙන කොට මුස්ලිම් ප්‍රහාරයක් එනවා. රට අනතුරේ...! මහින්ද රජපක්ෂට රට බාර දෙන්ඩෝ..'කියමින් මොර ගෑමට වඩා දෙයක් නොවේ.
