මාධයවේදී ප්‍රගීත් එක්නැලිගොඩ අතුරුදන් කිරීම, ලසන්ත වික්‍රමතුංග ඝාතනය, පාර්ලිමේන්තු මන්ත්‍රී රවිරාජ් ඝාතනය, කප්පම් ගැනීම සඳහා සිසුන් පැහැරගෙන ගොස් ඝාතනය කිරීම යන සිදුවීම් වලට හමුදාවේ ඉහළම නිළධාරීන් සම්බන්ධව තිබෙන බව හෙළිව ඇති අතර මේවන විට පරීක්ෂණ කටයුතු අවසන් වෙමින් පවතින සිදුවීම් රැසකම අවසන් අණ දෙන නිලධාරියාව සිටින්නේ බුද්ධි අංශ ලොක්කා බව හෙළිවෙමින් පවතී.
මේ අතර මේවන විටත් හමුදාවේ හා බුද්ධි අංශයේ ඉහළ නිළතලවල සිටින නිළධාරීන් කිහිප දෙනෙකුද සිටින බව හෙළිවේ. එහෙත් හමුදා ආරංචි මාර්ග පවසන්නේ තමන්ට ලැබුණු දෙශපාලන අධිකාරියේ නියෝග මත තමන් ක්‍රියාත්මක වූ බවත් තමන්ට එරෙහිව නඩු විභාග කෙරෙන අවස්ථාවක ඒ සියල්ල හෙළි කිරීමට ඇතැම් නිළධාරීන් සූදානමින් සිටින බවය.
කෙසේ නමුත් මේ තත්වය හමුදාව තුල විශාල කැළඹීම් සහගත භාවයකට හේතුවී ඇති අතර ලබන සැප්තැම්බර් මාසයේදී ශ්‍රී ලංකාවට එරෙහිව එල්ලවන යුධ අපරාධ චෝදනා සත්‍ය හා වඩා සාධාරණිය කරණයවීමක්ද මේ අනුව සිදුවෙමින් තිබේ.
