පසුව හෙළ උරුමයේ නායකයන් එජාපයේ අලියා ලකුණින් තරග කිරීමට පිවිසීමෙන් පසුව එම නමම අලියා ලකුණ හා බද්ධ කර ගන්නා ලදී. එහි කිසිදු නිල වටිනාකම නොවුන නමුදු තමගේ අනන්‍යතාවය රැක ගැනීම සඳහා එය හෙළ උරුමයේ නායකයන්ට ප්‍රමාණවත් විය.
කෙසේ නමුත් ජනාධිපතිවරණයට පෙර උදය ගම්මන්පිල හෙළ උරුමය කඩාගෙන ගිය අතර ඔහු සමඟ ගිය කොටස් පසුව නනත්තාර විය. ඉන් පසුව චම්පික රනවක ඇතුළු කණ්ඩායම හෙළ උරුමයේ බලවත් පිරිස වුයේය. පෙර සූදානමේ අගය දැනගෙන සිටි අතුරලියේ රතන හිමි පිවිතුරු හෙටක් තැනුවේ තමාටද යම් දිනෙක යනඑනමන් නැතිවෙන බව දැනගත් නිසාය.
අද මේවන විට රතන හිමිද මේ කණ්ඩායම සමඟ නැත. ඔවුනොවුන් අතර තිබෙන බේදය වඩාත් උග්‍ර වූයේ රතන හිමිට ජාතික ලැයිස්තුවෙන් මන්ත්‍රීධුරයක් ලබා දීමට එජාප නායකයා තීන්දු කිරීමත් සමඟය. එම මන්ත්‍රීධුරය රතන හිමිට ලබා නොදෙන්නැයි චම්පික රණවක පාර්ශ්වයෙන් බලපෑම් එල්ල වී තිබිණි. එහෙත් පොරොන්දු වූ පරිදී එජාප නායකයා රතන හිමිට මන්ත්‍රීධුරය ලබා දීමට කටයුතු කළ අතර එමගින් චම්පික රණවකට ආණ්ඩුව තුල සතුරකු බිහිකිරීමද සිදු කර ඇත. මේ අතර රතන හිමි හා මහින්ද පාර්ශ්වය අතර සමීප සම්බන්ධතා ඇති බවටද වාර්තා පළවිය.
කෙසේ නමුත් මේවන විට හෙළ උරුමයක නටබුන්වත් දකින්නට නැත. එය සුන්නද්ධුලී වී ගොසිනි. ජාතිවාදයට ආගම්වාදයට ඉඩක් නැති බව මෙවර මහ මැතිවරණයෙන්ද ඔප්පු වූ සත්‍යක් වූ අතර චම්පික රණවකගේ ශූර බුද්ධිය විසින් වෙලාසනම එජාපය හා ගැට ගැසිණි.
