මේ සංස්ථාව මඟින් එම ඉදිකිරීම් කටයුතු කර තිබුණේ ආරක්ෂක අමාත්‍යාංශය සහ නාගරික සංවර්ධන අධිකාරියේ මැදිහත්වීම මත වෙයි.
ඩී.ඒ. රාජපක්ෂ මහතාගේ සහ එම මැතිනියගේ සොහොන් කොත් වීරකැටිය යෝජනා ක්‍රමය නමින් වූ එම සංවර්ධන වැඩපිළිවෙළ ඔස්සේ එතරම් විශාල මුදලක් වියදම් කර නවීකරණය කර ඇත්තේ කුමන හේතුවක් මතද එසේම එම මුදල අනවශ්‍ය නාස්තිකාර මුදලක් බවටද රාජ්‍ය විගණනය ද ඉඩම් ගොඩකිරීමේ සංස්ථාව වෙත විගණන විමසුමක් යවමින් විමසා තිබුණි.
අලංකාර නෙළුම් මල්, කැටයම්, පොකුණු, මල්වැට සහ එම සොහොන් වෙත යන මාර්ගය අලුත්වැඩියා කිරීමටද මෙම මුදල වියදම් කර තිබුණි.
ඉඩම් ගොඩකිරීමේ සංස්ථාවේ එවකට සිටි සභාපතිවරයා ඇතුළු අධ්‍යක්ෂ මණ්ඩලය එම මුදල් එසේ යොදවා ඇත්තේ ආයතනය විශාල මුදල් හිඟයකින් පෙළෙමින් විශාල ණය මුදලක්ද අයදුම්කර සිටියදී බව රාජ්‍ය විගණනය කරනු අනාවරණය කරගෙන තිබුණි.
මේ සම්බන්ධව ඉඩම් ගොඩකිරීමේ සංස්ථාවේ වර්තමාන සභාපතිවරයාගේ උපදෙස් මත අභ්‍යන්තර පරීක්ෂණයක්ද සිදු කෙරුණි.
මේ තත්ත්වය එසේ තිබියදී මාධ්‍ය හරහා මේ සම්බන්ධව ප්‍රචාරය වෙද්දී ඩී.ඒ. රාජපක්ෂ පදනම එම වියදම් පිළිබඳ වාර්තාවක් අදාළ අමාත්‍යාංශ ලේකම්වරයාගෙන් ඉල්ලා ඒවා ආපසු ගෙවීමට එකඟ වී ඇතැයි පැවසේ.
dinamina
