අද දින අධිකරණයට කැඳවන ලද අල්ලස් හෝ දූෂණ චෝදනා විමර්ශන කොමිෂන් සභාවේ නීතිඥවරියක විසින් විවෘත අධිකරණය හමුවේ පවසා ඇත්තේ මෙම චෝදනා වලට අදාළව අල්ලස් කොමිසම විසින් පරීක්ෂණයක් සිදුකරන බවයි.
ඒ පිළිබඳ පරීක්ෂණයක් පැවැත්වෙන බැවින් තම පෙත්සම ඉවත්කර ගන්නා බව පෙත්සම්කාර පාර්ශවය අධිකරණයට දැනුම්දීමෙන් පසු කොළඹ ප්‍රධාන මහේස්ත්‍රාත් ගිහාන් පිලපිටිය මහතා විසින් පෙත්සම ඉවත්කර ගැනීමට අවසර ලබා දී තිබේ.
මේ අතර හිටපු මුදල් අමාත්‍ය මහින්ද රාජපක්ෂ මහතාට සහ හිටපු මහබැංකු අධිපති අජිත් නිවාඩ් කබ්රාල් යන අයට එරෙහිව ගොනුකර තිබුණු පුද්ගලික නඩු දෙකක්ද අදාළ නඩු පැවරූවන් විසින්ම ඉවත්කරගෙන තිබේ.
මෙම නඩු පවරා තිබුණේ නීතිඥ කැලුම් කුමාරසිංහ නමැති අයෙකි.
(අද දෙරණ)
