එක්‌නැලිගොඩ ඝාතනයට අත්අඩංගුවේ සිටින එක්‌තරා කර්නල්වරයකු අතුරුගිරිය ප්‍රදේශයේ තුන් මහල් නිවසක්‌ ද ඉදි කර ඇත. පිහිනුම් තටාක ඇතුළු නවීන අංගෝපාංගයන්ගෙන් සමන්විත මෙම නිවස ඉදි කිරීම සඳහා රුපියල් කෝටි ගණනක මුදලක්‌ වැය කර ඇති බව පොලිසිය කළ පරීක්‍ෂණවලින් හෙළි වී තිබේ.
මාසික වැටුපක්‌ ලබා ගන්නා හමුදා නිලධාරියකු කෙටි කාල සීමාවක්‌ තුළදී මේ තරම් විශාල වත්කම් උපයා ගත්තේ කෙසේදැයි පිළිබඳව පොලිසිය සොයා බලා ගෙන යයි.
මෙම හමුදා සාමාජිකයන් කොළඹ, පිටකොටුව, වැල්ලවත්ත, කොටහේන ඇතුළු ප්‍රදේශ කීපයකින් ධනවත් දෙමළ ව්‍යාපාරිකයන් පැහැරගෙන ගොස්‌ ඔවුන් සිරකර තබාගෙන රුපියල් කෝටි ගණනක්‌ කප්පම් මුදල් ලබා ගෙන ඇත.
මෙසේ මුදල් ලබාගෙන ඇතැම් ව්‍යාපාරිකයන් නිදහස්‌ කර යවා ඇති අතර ඇතැම් ව්‍යාපාරිකයන් හොර රහසේම මරා දමා ඇති බවද හෙළි වී ඇත.
අපරාධ පරීක්‍ෂණ දෙපාර්තමේන්තුව මේ සම්බන්ධයෙන් පුළුල් පරීක්‍ෂණයක්‌ පවත්වාගෙන යයි.
divaina
