මේ කල්ලිය පාර්ලිමේන්තු විපක්‍ෂයේ කාර්යභාරය ඉටුකිරීමේදී විපක්ෂ නායක ලෙස කුමාර වෙල්ගම මහතාගේ නම, නව පාර්ලිමේන්තුවේ කථානායක වෙත භාර දීමට කටයුතු කරන බවද එම ආරංචි මාර්ග සඳහන් කරයි. නව පක්‍ෂයට ශ්‍රීලනිප මන්ත්‍රීවරුන් 50-60 අතර ප්‍රමාණයක්‌ සම්බන්ධ වන බව මේ වන විටත් තහවුරු කරගෙන ඇති අතර මේ කල්ලිය පාර්ලිමේන්තුවේ විපක්‍ෂයේ කාර්යභාරය ඉටු කිරීමේදී විපක්‍ෂයේ ප්‍රධාන සංවිධායක තනතුර හවුල්කාර පක්‍ෂයකට හිමි වන බවද එම ආරංචි මාර්ග සඳහන් කරයි. මෙම කණ්ඩායම නිර්මාණය කිරීම සඳහා කුරුණෑගල දිස්ත්‍රික් එජනිස මන්ත්‍රී මහින්ද රාජපක්ෂ මහතගේ පූරණ ආශිර්වාදය හිමිව ඇති අතර මෙම කණ්ඩායම ගොඩ නැගීමේ මෙහෙයුම් කටයුතු කොළඹ දිස්ත්‍රික් එජනිස මන්ත්‍රී විමල් වීරවංශ විසින් ඉ‍ටුකරයි
නීත්‍යානුකූලව හා සදාචාරසම්පන්නව පාර්ලිමේන්තු සම්ප්‍රධාය අනුව විපක්ෂනායක ධුරය හිමිවිය යුත්තේ දෙමල ජාතික සන්ධානයට. එහෙත් දෙමළ ජාතිකයකු අතට එමධුරය පත්වීම වලක්වා ගැනීම පර්ලිමේන්තුව නියෝජනය කරන සියළු පක්ෂවල අභිප්‍රාය බවට පත්ව තිබේ. මේ නිසා කවර දුෂිතයකු කෝ වේවා සිංහල බෞද්ධයකුට එම අවස්ථාව ලබා දීමට එම පක්ෂ වල කැමැත්ත ද පළ ඇත.
ජනතා විමුක්ති පෙරමුණේ හම්බන්තොට දිස්ත්‍රික්මන්ත්‍රී නිහාල් ගලප්පත්ති මහතා විපක්ෂ නායක ධුරය හිමි විය යුත්තේ දෙමළ ජාතික සන්ධානයට බව සෘජුව කියා සිටි නමුත් එම පක්ෂය නිළ වශයෙන් එම මතය ප්‍රකාශ කර නොමැත.
