අපරාධකරුවන්ගේන් දූෂිතයන්ගේ කුඩු මුදලාලිලාගෙන් ජාවාරක් මරුවන්ගේන් ජාතිවාදින්ගෙන් ජාරා වාස වී තිබු පාර්ලිමේන්තුව පසුගිය දශක කිහිපයක් තිස්සේම රටට වැඩ දායක රටේ අනගාතයට වැඩ දායක තීන්දු තීරණ ගත්තේ නැති තරම්ය. විශේෂයෙන් පසුගිය රාජපක්ෂ සමයේදි තුනෙන් දෙකේ බලයක් තබා ගෙන මහින්ද රාජපක්ෂ විසින් සිදු කළේ සිංහල බෞද්ධ ජාතිවාදයට යටත් කළ රාජ්‍යයක් වෙනුවෙන් හා රාජපක්ෂ පවුලේ බඩ ගෝස්තරය ආරක්ෂාකර ගැනිම වෙනුවෙන් තින්දු ගැනීම පමණි. 18 වන අන්ඩුක්‍රම ව්‍යස්ථාව සංශෝධය වැනි නරුම ඒකාධිපතිත්වයක් ගොඩ නැගීම සඳහා මේ පාර්ලිමේතුව යොදා ගත්තේය.
ඒ කෙසේ නමුත් සම්බන්ධන් මහතාට විපක්ෂ නායක ධුරය ලබා දියයුතු යැයි කෙරෙණු උද්ඝෝෂනයේ පාර්ශ්වකරුවකු වූ ලංකා ඩේලි වෙබ් අඩවියටද මේ ආඩම්බර විය හැකි කරුණක් වී තිබේ . අප රාජපක්ෂගේ වියරු ඒකාධිපති රෙජීමය පලවා හරීමට කොන්දේසි විරහිත අරගලයක නියැලුනා මෙන්ම වත්මන් සම්මුතිවාදී ආණ්ඩුව බිහිකර ගැනීම වෙනුවෙන්ද පෙනී සිටියෙමු.
රට අවශ්‍ය දේශපලන ප්‍රතිසංස්කරණයන් සිදුකර මතු පරම්පරාවට සාමයෙන් සහජීවනයෙන් යහපාලනයක් යටතේ ජීවත් වීම සඳහා රට සුද්ධ බුද්ද කර ගැනිම වෙනුවෙන් අප තව දුරටත් පෙනී සිටින අතර ඒ වෙනුවෙන් කෙරෙන් කවරාකාර වූ අරගලයකට වුව සහය වෙමු.
අද දෙමළ ජාතික සන්ධානයට විපක්ෂ නායක ධුරය ලබා දී ගත් මේ ඓතිහාසික දේශපාලන පිම්ම වඩා වර්ධනීය ලෙස රටේත් සමස්ත ජනතාවගේත් යහපත පිණිස යොදා ගැනීමට කටයුතු කිරීමට පාලකයෝ වග බලා ගත යුතු බවද අවධාරණය කරමු.
