පාර්ලිමේන්තුව යළි රැස්වීමට නියමිතව තිබෙන්නේ 22 වන දින හේතුවෙන් දීර්ග නිවාඩුවක් මන්ත්‍රීවරුන්ට ලැබී තිබේ.
ඒ කෙසේ වූවත් දේශපාලකයන් කෙරෙහි වන බරපතල චෝදනාවක්ව තිබෙන්නේ ඡන්ද ඉල්ලා මැතිවරණ කාලයේදී ගේ තුලටම ඇවිත් හිනා මූණ දගෙන ගියාට ඡන්දයෙන් පසුව ඔවුන්ව ආසනය තුල දකිනවත් නොලැබෙන බවය. පොරොන්දු ටොන් ගනන් දී අතුරුදන් වන ඔවුන් යළි මැතිවරණයක් ආසන්නයේදී තවත් පොරොන්දු තොගයක් රැගෙන ඒති. මේ අනුව අද ගමේ හිතවතුන්ගේ සුභ පැතුම් ලබා ගන්නට ගමේ ගිය මන්ත්‍රීවරයා හෙට අතුරුදන්වීම විය හැකිව තිබේ. විදේශ ගත වූවන් ගැනද කියන්න්ට ඇත්තේ එපමණය. ඔවුන්ට ගම අමතකම වී තිබේ.
ඒ කෙසේ නමුත් මෙවර ඒ සෙල්ලම හරියන්නේ නැත. ගමට ගිහින් වැඩ නොකළොත් ලබන ගමන නම් වැඩේ අමාරුවේවි. මන්ද මෙම පාර්ලිමේන්තුව විසින් මේ මැතිවරණ ක්‍රමය වෙනස් කරනු ඇත. මුළුමනින්ම සමානුපාතික ක්‍රමය වෙනුවට කොට්ඨාෂ ක්‍රමයට වැඩි බරක් සහිත මැතිවරණ ක්‍රමයක් හඳුන්වා දීම සිදුවනු ඇත. කොට්ඨාෂ ක්‍රමයේදී මන්ත්‍රී පට්ටම ලැබීමට නම් ගමත් එක්ක සිටිය යුතුය. ගමේ මිනිහාගේ ගැටළුවලට විසඳුම් සොයා දිය යුතුය. පක්ෂයට වඩා පුද්ගලයා වැදගත්වන කොට්ඨාෂය මූලික වන මැතිවරණ ක්‍රමයේදී ඡන්දයක් ලබා ගත හැක්කේ එවිටය. ඒ නිසා අද ගමේ ගිය ඈයෝ ගමේ නවතින්න්ට ක්‍රමයක් සොයා ගන්නවා නම් හොඳය.
