මේ අනුව කුරුණැගල දිස්ත්‍රික් එජනිස මන්ත්‍රී මහින්ද රාජපක්ෂ මහතාට එම දිස්ත්‍රික් සභාපති තනතුරට පත් කිරීම සඳහා යෝජනා කර ඇත.
මෙලෙස මැතිවරණ දිස්ත්‍රික් 22 ක් ජයග්‍රහණය කළ අනුපාතය අනුව එක්සත් ජාතික පක්ෂයට සභාපති ධූර 11 ක් ද, එක්සත් ජනතා නිදහස් සන්ධානයට 08ක්ද, ද්‍රවිඩ සන්ධානයට 3ක්ද වශයෙන් හිමිවීමට නියමිතය. මේ මුලින් යෝජනා කර තිබුණේ පරාජිත අපේක්ෂකයකුට එම අවස්ථාවා ලාබ දීමට බවද වර්තා විය.
ඒ කෙසේ නමුත් මෙලෙස සැම දිස්ත්‍රික්කයක් සඳහාම විශේෂ බලතල සහිත නියෝජිතයකු පත් කිරීමත් පළාත් සඳහා කැබිනට් ඇමැතිවරයකු නම් කිරීමත් නිසා පළාත් සභා තවදුරටත් පවත්වාගෙන යාම සම්බන්ධයෙන් ගැටළුවක් මතුවන බව දේශපාලන විචාරකයන් පෙන්වා දෙති. යම් හෙයකින් ඉදිරි ආන්ඩුක්‍රම ව්‍යවස්ථාවෙන් පළාත් සභා ක්‍රමය අහෝසි කිරීමේ සූදානමක පුර්ව සලකුණක්ද යන්න සැක මතුවන බවද ඔවුන් පෙන්වා දෙති.
