පොලොන්නරුව දිස්ත්‍රික්කය පුරා සිටින සහ අවට දිස්ත්‍රික්කවල සිටින කිරි දෙනුන්ගෙන් දොවා ගන්නා කිරි තොග රැස් කර තබන ටැංකිවලට මෙසේ විෂ රසායනිකයක් මිශ්‍රවී ඇතැයි සේවකයෝ කියති.
ලීටර් 6000 ක පමණ කිරි තොගයක්‌ මේ හේතුවෙන් ප්‍රයෝජනයකට නොගෙන ඉවත දැමීමට සිදුව ඇතැයි එහි සේවකයෝ කියති.
මේ නිසා මිල්කෝ සමාගමට දරන්නට සිදුවන පාඩුව රුපියල් ලක්ෂදහය ඉක්මවන බවත් මෙවන් අවාසනාවන්ත සිද්ධීන් කිහිපයක්ම විටින් විට පසුගිය සමයේ සිදු වූ බවත්, මේ අන්දමට කිරි තොග විශාල වශයෙන් ඉවත දමා තිබෙන බවත් සේවකයෝ වැඩි දුරටත් කියති.
පාලනාධිකාරියේ අධූරදර්ශී ක්‍රියා නිසා මෙසේ සිදුවන බවට සේවකයෝ චෝදනා කරති.
මේ පිළිබදව එහි සාමාන්‍යාධිකාරි සුදත් මුණසිංහ මහතා ගෙන් අප කළ විමසුමක දී ඔහු පැවසුවේ කිරි ලීටර් 6000 කට ආසන්න ප්‍රමානය කට පිරිසිදු කිරීමට ගෙනා රසායනික ද්‍රව්‍යක් කලවම් වී ඇති බැවින් එම කිරි තොගය ඉවත දැමීමට සිදුවන බවයි.
මේ සම්බන්ධයෙන් පරීක්‌ෂණයක්‌ පැවැත්වෙන බව ද ඔහු ප්‍රකාශ කළේය.
srilankamirror
