8 වැනි පාර්ලිමේන්තුව පත් වූ පසු ආණ්ඩුක්‍රම ව්‍යවස්ථා සභාවේ පළමුවැනි රැස්වීම අද දින කථානායකවරයාගේ ප්‍රධානත්වයෙන් කථානායකතුමාගේ නිල මැදිරියේදී පැවැත්වීමට යෙදුණි. මෙම රැස්වීමට කථානායකවරයා, අග්‍රාමාත්‍යවරයා, විපක්ෂ නායකවරයා, විජයදාස රාජපක්ෂ , පාඨලී චම්පික රණවක හා ඩබ්.ඩී.ජේ. සෙනෙවිරත්න යන මැති ඇමතිවරුන් සහභාගී විය.
ආණ්ඩුක්‍රම ව්‍යවස්ථා සභාව සඳහා සාමාජිකයන් ඉතා ඉක්මනින් පත් කළ යුතු බව සහ දැනටමත් කොමිෂන් සභා පත් කිරීම කල් ගත වී ඇති බව කථානායකවරයා අවධාරණය කරන ලද අතර ආණ්ඩුක්‍රම ව්‍යවස්ථා සභාව ඉතා ඉක්මනින් ක්‍රියාත්මක විය යුතු බව ප්‍රකාශ කරන ලදී. කොමිෂන් සභා සඳහා සාමාජිකයන් පත් කිරීම ඉතා ඉක්මනින් සිදු කළ යුතු බව තීරණය කරන ලද අතර ඒ සඳහා පිළිගත් දේශපාලන පක්ෂ නායකයන්, වෘත්තීය හා සිවිල් සංවිධානවලින් නාම යෝජනා ලබා ගැනීමට තීරණය කරන ලදී.
ආණ්ඩුක්‍රම ව්‍යවස්ථා සභාව නැවත වරක් සැප්තැම්බර් මස 21 වන දින හා 23 වන දින රැස්වීමටද තීරණය කරන ලදී.
