බ්‍රිතාන්‍යයේ ආරම්භ වූ මෙම සංකල්පය ශ්‍රී ලංකාවද අනුගමනයක් ඇති බවත් ශ්‍රී ලංකාව මීට පෙර අවස්ථා තුනකදී වගකීමෙන් නිදහස් කිරීමේ පනත් හදුන්වා දී තිබෙන බවත් මන්ත්‍රීවරයා සඳහන් කළේ පිවිතුරු හෙළ උරුමය විසින් ඊයේ සංවිධානය කර තිබු මාධ්‍ය සාකච්ඡාවකදීය.
1915 සිංහල මුස්ලිම් ගැටුම වෙනුවෙන් පොලිස් හා හමුදාව නිදහස් කිරීමට 1915 රාජ්‍ය මන්ත්‍රණ සභාවට ඉදිරිපත් කල බවද 1977 කැරලිකාරීත්වය මර්දනය කිරිමේ වෙනුවෙන් රාජ්‍යය නිලධාරීන් නිදහස් කිරීම වෙනුවෙන් 1982 අංක 20 දරණ වගකීමෙන් නිදහස් කිරීමේ පනත එජාප ආණ්ඩුව පාර්ලිමේන්තුවේ අනුමත කළ බවද පෙන්වා දුන් මන්ත්‍රීවරයා 1987 ජවිපෙ කැරැල්ල මර්ධනය කිරීමේ හමුදාව නිදහස් කිරීමට 1988 අංක 60 දරණ වගකීමෙන් නිදහස් කිරීමේ පනත හදුන්වා දුන් බවත් සිහිපත් කළේය.
ඒ කෙසේ නමුත් මෙහි අරමුණ යුද්ධයට මුවා වී මීනීමරු ආරක්ෂක අංශ සාමාජිකයන් විසින් සිදු කරනු ලැබූ ඝාතනයගෙන් ඔවුන්ව නිදහස් කර ගැනිමය. යුධ අපරාධ චෝදනා යනු ත්‍රස්තවාදයට එරෙහිව කටයුතු කිරීම නොව සිවිල් වැසියන් හිතා මතා ඝාතනය කිරීම යටත් වූ කැරලිකරුවන් ඝාතනය කිරීම ආදී චෝදනාය. ඒ සිදු කළ මීනිමරු ආරක්ෂක අංශ සාමාජිකයන්ට දඬුවම් දීම සර්ව සාධාරණ පියවරකි. ගම්මන් පිල්ලා උත්සහ ගන්නේ මේ ම්ලෙච්ඡයන් ආරක්ෂා කිරීමටය.
අසූව දශකය අගභාගයේදී එම පනතින් සිදු වූයේ ආරක්ෂක අංශ සාමාජිකයන් විසින් හිතුමතේ කරනු ලැබූ ඝාතන සම්බන්ධයෙන්ද වගකීමෙන් නිදහස් වීමය. ඊට එරෙහිව දැඩි විරෝධයක් සමාජයෙන් මතු වූ අතර පසුව ඒ ඉවත් කර ගන්න ලදී.
