ඇමෙරිකාවට පැමිණ සිටින රාජ්‍ය නායකයින් සඳහා ඊයේ (28දා) එක්සත් ජාතීන්ගේ සංවිධානයේ මහ ලේකම් බැන් කී මූන් මහතා විසින් සූදානම් කර තිබූ දිවා භෝජන සංග්‍රහය සඳහා සහභාගි වූ අවස්ථාවේදී මෛත්‍රීපාල සිරිසේන මහතා ට ආසන පනවා තිබුණේ අංක 01 මේසය ලෙස නම් කළ ලොව බලවත්ම රාජ්‍ය නායකයන් සඳහා වන මේසයේය.
එක්සත් ජාතීන්ගේ සන්විධානයේ මහලේකම් සමඟ අමරිකානු ජනාධිපති බරක් ඔබාමා,රුසියානු ජනාධිපති ව්ලැද්මීර් පුටින්, ඉන්දියානු අගමැති නරේන්ද්‍රසිං මෝඩි, ඇතුළු ජොර්දනයේ දෙවන අබ්දුල් රජු, චිලි රාජ්‍යයේ ජනාධිපති, ඕස්ට්‍රියාවේ ජනාධිපති නෙදර්ලන්තයේ රජු, දකුනු කොරියාවේ ජනාධිපති, පෝලන්ත ජනාධිපති, ස්විස්ටර්ලන්තයේ ජනාධිපති ඇතුලු තවත් රාජ්‍ය නායකයන් කිහිප දෙනෙකුට එම මේසය වෙන් කර තිබිණි.
විශේෂයෙන්ම මෙයට පෙර පැවැත්වූ රාජ්‍ය නායක හමුවේදී (පීස්කීපින්) මෛත්‍රීපාල සිරිසේන මහතා කළ කතාවෙන් පසුව සිරිසේන මහතාට, අමරිකානු ජනාධිපති බරක් ඔබාමා තමන් සිටි අසුනෙන් නැගිට සිරිසේන මහතා අසලට ගොස් පිටට තට්‍ටුවක් දමා ඔහුගේ සුබපැතුම් එක්කිරීම විශේෂ සිදුවීමකි. ඉන් පසුව අනෙක් සියලු රාජ්‍ය නායකයන් ඔහුට එක් විටම අත දිගුකර සුබ පැතීමටද කටයුතු කර ඇත.
ශ්‍රී ලංකාව නැමැති මේ පුංචි දුපතේ සරළ මිනිසෙකු. මීනිමරු ඒකාධිපති ඒ පාලනයක් ලේ බිඳකු නොසලා මැතිවරනයෙන් පරාජය කර යළි ප්‍රජාතනත්‍රවාදය පිහි‍ටුවීම ගැන පසුගිය කාලයේ ජාත්‍යන්තර මාධ්‍ය විසින්ද ඇගැයුමට ලක්කර තිබූ අතර ඊයේ ලෝක නායකයන් වෙතින්ද ඒ ඇගැයුම ඔහුට හිමි විය. මෙය මෑතකාලයේ ශ්‍රී ලංකාවේ රාජ්‍ය නායකයකු ලැබු ඉහළම පිළිගැනීමක් ලෙස සැලකිය හැකිය.
