මීට දින කිහිපයකට ඉහතදී මධ්‍යම පරිසර අධිකාරියේ හා පරිසර අමාත්‍යංශයේ නිලධාරීන් පිරිසක් කැලණි ගඟ සම්බන්ධයෙන් හා දැදුරු ඔය සම්බන්ධයෙන් තිබෙන චෝදනා ගැන වහාම ක්‍රියාත්මක විය යුතු බව සාකච්ඡා කරද්දී මේ උපදේශකවරයා පවසා ඇත්තේ පරිසරවේදී කියන්නේ බොරු බවත් ඔවුන් තරගකාරී ආයතනවලින් මුදල් ගෙන මේ කටයුත්තේ නියැලෙන බවත්ය.
මේ අපූරූ උපදේශයන් පසුව මධ්‍යම පරිසර අධිකාරිය මාධ්‍ය සඳහා ප්‍රකාශ ලබා දීමේදී මේ උපදෙශකයා දුන් උපදෙස් අනුව කටයුතු කර තිබේ. කැළණි ගඟ හා දදුරු ඔය සම්බන්ධයෙන් ක්‍රියාත්මක නොවීමටද මෙම නිළධාරීන් මේවන විට තීරණය කරද ඇත.
කොකා කෝල සමාගමට හෝ ජිෆී සමාගමට තරගකාරී ආයතන තිබේ යැයි සලකා සිදුවන පරිසර විනාශය ඊට හෙට්‍ටු කිරීමට තරම් මේ තක්කඩි වූ නිලධාරීන් රොත්තක් සමඟ පරිසර ඇමැති ජනාධිපති මෛත්‍රීපාල සිරිසේන මහතා කටයුතුකරන්නේ කෙසේ දැයි අපි නොදනිමු. වේදිකාවක් වේදිකාවක් ගානේ පරිසරය මත්තේ නැහෙන්න හදන ජනාධිපතිවරයා මේ තක්කඩියන් විසින් තව වැඩි කලක් යන්නට කලියෙන් ඔහු බොරුවලකට ඇද දමනු පැහැදිලිය. ජනාධිපතිවරයා විසින් පළමුව කළ යුත්තේ තම අමාත්‍යාංශයේ වල් පැලෑටි ටික සුද්ධ බුද්ධ කර ගැනීමය.
