මේ සම්බන්ධයෙන් අපගේ කරුණු පැහැදිලි කිරීම මෙසේය
අප වාර්තාවෙන් කියැවුනේ ආරක්ෂක අමාත්‍යංශයේ මාධ්‍ය ඒකකය විසින් මුදල් අය කරගෙන ඡායාරූප නිකුත් කරන බව නොවේ. ආරක්ෂක රාජ්‍ය අමාත්‍යවරයාගේ ලේකම්වරයකු යැයි කියා ගන්න පුද්ගලයකු විසින් මෙලෙස ඇමැතිවරයා හමුවීමට හා ඡායාරූප ගැනීමට මුදල් අය කරන බවය. එය සිදු කරනු ලබන්නේ අමාත්‍යංශයේදී නොව ඉන් පිටතදීය. නමුත් එලෙස මුදල් ගෙවා පැමිණෙන පුද්ගලයන්ගේ ඡායාරූප අමාත්‍යංශ මාධ්‍ය අංශය විසින් නොමිළයේම නිකුත් කරන්නේ මේ වෙනුවෙන් කිසිවකු හෝ මුදල් අයකරගෙන ඇති බව නොදැන බව අපට පැහැදිලිය. ඇතැම් විට අදාල පුද්ගලයාද මේ ඡායාරූප ගැනීමේ අවස්ථාව සඳහා සහභාගී වීමද සිදුව තිබේ.
අප මේ වාර්තව පළ කරනු ලැබුවේ ආරක්ෂක රාජ්‍ය අමාතයවරයා, එම අමාත්‍යාංශයේ අනෙකුත් නිලධාරීන් අපහසුවට පත් කිරීමට නොව, මේ ආයතනයට කම්බ හොරු රිංගාගෙන සිටින බව හෙළි කිරීමටය. වත්මන් යහපාලන ආණ්ඩුව බිහිකර ගැනීම වෙනුවෙන් ජීවිතය පරදුවට තබා නිශ්චිත දේශපාලන කාර්යභාරක් ඉ‍ටු කල 'ලංකා ඩේලි' කණ්ඩායමට මේ යහපාලන ආණ්ඩුව විනාශ කර ගැනීමේ වුවමනාවක් නැත. මේ ආරක්ෂා කරගත යුතුය.
ඇමැතිවරයා හා ආණ්ඩුව විනාශ කිරීම සඳහා දැන් ආරක්ෂක අමාත්‍යාංශය තුලට රිංගාගෙන සිටින රාජපක්ෂ ආණ්ඩුවේ සිටි තක්කඩි මෙන්ම අලුතෙන් එකතුවී සිටින තක්කඩියන් පිරිසද හෙළිදරව් කළ යුතුය. අපගේ වත්මන් කාර්යභාරය එය වේ. විශේෂයෙන් මේ ආණ්ඩුවේ තීරණාත්මක කාර්යභාරයක් ඉ‍ටු කරමින් සිටින අගමැතිවරයා කෙරේ අපගේ ඇති විශ්වාසය තව දුරටත් පවත්වාගෙන යාමට නම් මේ කුණු රොඩු විනාශ කළ යුතුය.
ජනාධිපති මෛත්‍රීපාල සිරිසේන මහතා දු‍ටු 'මෛත්‍රී යුගය' යථාර්ථයක් වන්නට නම් හොරු විනාශ කළ යුතුමය.
එසේම අපගේ වෙබ් අඩවියේ පළ වන යම් පුවතක් තොරතුරක් නිසා කිසිවකුට හෝ අගතියක් , අපහසු තාවයක් සිදුවේ නම් ඒ වෙනුවෙන් පිළිතුරු සැපයීමේ ඉඩ කඩ ලබා දීමට අප නිරන්තරයෙන් සූදානම්ය. නමුත් අප සමඟ 'ඩීල්' දැමීමට කිසිවෙකු පැමිණිය යුතු නැත.
