එහෙත් ඔවුන් එම ඉල්ලීම නොසලකා විරෝධතා දක්වා තිබේ.
මේ අවස්ථාවේදී කැරලි මර්දන ඒකකය මැදිහත් වී ඔවුන් අවම බලය යොදා ඉවත් කිරීමට කටයුතු කළ අවස්ථාවේදී විරෝධතාකරුවන්ගේ ගල්මුල් ප්‍රහාරයකින් නිලධාරීන් 6 දෙනෙකු තුවාල ලබා රෝහල් ගත කර ඇත.
විරෝධතාකරුවෙකු ද මෙහිදී තුවාල ලබා රෝහල් ගත කර තිබේ.
මෙම ගැටුමේදී හම්බන්තොට මූලස්ථාන පොලිස් පරික්ෂකවරයා ඇතුළු තිදෙනෙකු තුවාල ලැබූවන් අතර සිටින බව පැවසෙන අතර සැකකරුවන් 6ක්ද සැකපිට අත්අඩංගුවට ගෙන ඇත.
හම්බන්තොට ජල ගැටුමින් පොලීසිය කියන පරිදි ඔවුන්ද තුවාල ලබා ඇත. මීට පෙර ආයුධ පෙන්වීමටයැයි කියමින් සැකකරුවන් ඝාතනය සඳහා ගෙනගිය සෑම අවස්ථාවකම සැකකරුවාගෙන් පහර කෑ පොලිස් නිලධාරියකු ද රෝහල්ගත වුණා අපට මතක ය.
එසේම හම්බන්තොට ජනතාව කියා පෙන්වනා කවුරුන් හෝ විසින් මීට පෙර රාජපක්ෂ ආණ්ඩු සමයේ එහි වරාය නිරීක්ෂණයට ගිය එජාප මන්ත්‍රීවරුන්ට පහර දුන්නා ද අපට මතක ය. සෙල්ලම් පිස්තෝල රැගෙන නගරාධිපතිවරයාම ආවා ද මාතකය. මේ අප ලියන්නේ බෙලි අත්තේ ගමරාළලාගේ නොහැකියාවේ කතාව සහ ප්‍රජාතන්ත්‍රවාදී මහත්මා කියන යහපාලනයේ පෙරමඟ ලකුණු පිළිබඳව කතාවය.
මේ විනිශ්චයක් නොවේ. මිනිසුන්ට පානීය ජලය තිබිය යුතුය. උද්ඝෝෂණය කිරීමේ අයිතිය තිබිය යුතුය. අප පෙනී සිටින්නේ ඒ මිනිස් අයිතීන් වෙනුවෙනි.
