එලෙස කිරීමට කිසි ලෙසකින් හෝ එම අරමුදලේ පෞද්ගලීකරණය කිරීමක් නොවන බවද නියෝජ්‍ය අමාත්‍යවරයා පවසුවේ ඊයේ(09දා) ප්‍රවෘත්ති දෙපාර්තමේන්තුවේ පැවැති මාධ්‍ය හමුව අමතමිනි.
එමෙන්ම මෙම අරමුදල මහ බැංකුවෙන් ඉවත් කර ස්වාධීන අරමුදලක් බවට පත්කිරීමට තීරණය කළේ ළබැඳියාවන්ගේ ගැටුම නවතාලීමට බවද අමාත්‍යවරයා කීය.
රජයට ණය ලබාදෙන විශාලතම අරමුදල බවට සේවක අර්ථසාධක අරමුදල පත්ව තිබුණද මෙතෙක් එය පිහිටුවීමේ අරමුණු ඉටුවී නොමැති බවද අමාත්‍යවරයා පෙන්වා දුන්නේය.
රාජ්‍ය ණය දෙපාර්තමේන්තුවද මහ බැංකුව යටතේම පැවතීම මෙය හේතුව වී ඇති බව අමාත්‍යවරයා කීය.
මේ හේතුවෙන් වෙළෙඳපොළේ ලබාගත හැකි ප්‍රතිලාභයට වඩා අඩු ප්‍රතිලාභ ලබාගත හැකි ආකාරයට සේවක අර්ථසාධක අරමුදල භාවිත වී ඇති අතර, මෙම ළබැඳියාවන්ගේ ගැටුම් නිරාකරණය කිරීම සඳහා මෙම පියවර ගෙන තිබේ.
ජාතික විශ්‍රාම පාරිතෝෂිත අරමුදල පිහිටුවන්නේ සම්පූර්ණයෙන්ම රජයේ ආයතනයක් ලෙස වන අතර, ඒ සඳහා සාමාජිකයන් පත් කරන්නේ ආණ්ඩුක්‍රම ව්‍යවස්ථා සභාවේ අනුමැතිය යටතේ බව නියෝජ්‍ය අමාත්‍ය අජිත් පී. පෙරේරා මහතාද මෙහිදී අදහස් දක්වමින් පැවසීය.
සමාජ සාධාරණය වෙනුවෙන් ගන්නා වූ මෙම පියවර තුළින් වත්මන් තත්ත්වයට වඩා ඉතා සුරක්ෂිතතාවක් ජාතික විශ්‍රම පාරිතෝෂිත අරමුදලට හිමිවන අතර, නීතිමය ආවරණයද පුළුල්වන බව අමාත්‍යවරයා ප්‍රකාශ කළේය
ada.lk
