එහිදී අදහස් දැක්වූ අනුර දිසානායක මහතා මෙසේපැවසීය.
දැන් ඇවන්ගාඩ් පෙරමුණක් බිහිවෙලා තිබෙනවා. මහින්ද රාජපක්ෂ කල්ලියත් වර්තමාන ආණ්ඩුවේ සැලකිය යුතු පිරිසකුත් මාධ්‍ය ආයතන කිහිපයකුත් වෙබ් අඩවි කිහිපයකුත් මේ ඇවන්ගාඩ් පෙරමුණේ ඉන්නවා. මේ සියලූ දෙනා කලබල වෙලා කුපිත වෙලා ජවිපෙ ප්රධාන සතුරා බවට පත්කරගෙන ජවිපෙට එරෙහිව මඩ අවලාද රැල්ලක් දියත් කරමින් ඉන්නවා.
විජයදාස රාජපක්ෂ පාර්ලිමේන්තුවේදී කිව්වා ගෝඨාභය අත්අඩංගුවට ගන්න කියලා සමහරු කිව්වා කියලා. ඔහු නොකියා කියන්නේ ජනතා විමුක්ති පෙරමුණ ගැනයි. ඒ අතර ගෝඨාභය රාජපක්ෂ කියනවා කුමාර් ගුණරත්නම් පැහැර ගන්න ජනතා විමුක්ති පෙරමුණ තොරතුරු ලබාදුන්නා කියලා. අපි ගෝඨාභය රාජපක්ෂගේ ප‍්‍රකාශය මුළුමනින්ම ප‍්‍රතික්‍ෂෙප කරනවා. ඡායාරූප ලබාගැනීමට හෝ තොරතුරු ලබාදීමට අපිට කිසිදු වුවමනාවක් තිබුණේ නැහැ. කුමාර් ගුණරත්නම් අත්අඩංගුවට ගැනීමට අපි කිසිදු මැදිහත්වීමක් කළේ නැහැ. 2012 අපේ‍්‍රල් 10 විදේශ කටයුතු අමාත්‍යාංශය නිකුත් කළ නිවේදනයට අනුව ඔහු පිළිබඳ සියලූ විස්තර ආණ්ඩුව සතුව තිබුණු බවට පැහැදිළි වෙනවා. ඔහු ලංකාවට පැමිණි විස්තර, විදේශ ගමන්බලපත‍්‍රවල තොරතුරු ආණ්ඩුව සතුව තිබෙනවා. එනිසා දැන් හොඳටම පැහැදිලි වෙනවා මේ සියලූ දෙනා ඇවන්ගාඩ් පෙරමුණේ ආරක්‍ෂකයන් බව.
කුමාර් ගුණරත්නම් අත්අඩංගුවට ගත්තා නොවෙයි, ඇත්තටම සිදුවූයේ පැහැරගැනීමක්. ඔහු සමඟ දිමුතු ආටිගල පැහැර ගත්තා. කුමාර් ගුණරත්නම් මාධ්‍යවලට කියා සිටියා, එනිසා දැන් හොඳටම පැහැදිළියි. පැහැර ගත්තේ කව්ද කියලා. ගෝඨාභය රාජපක්ෂ කියා තිබෙනවා කිරිබත්ගොඩ ප‍්‍රදේශයේ නිවසක සිටින බවට ඇමතුමක් ලැබුණා කියලා. එම පැහැරගැනීම සිදුකළ බවට ඔහු විසින්ම දැන් ප‍්‍රකාශයක් සිදුකර තිබෙනවා.
ada.lk
සැබැඳි පුවත්:
ගුණරත්නම්ව අත්අඩංගුවට ගන්න තොරතුරු දුන්නේ අනුර ! - ගොඨා (හඬපටය)
එදා පුද්ගලයන් පැහැර ගත් බව ගෝඨා පිලිගත්තා. ඒ ගැන සිවිල් සංවිධාන නිහඬ ඇයි ?
