මේ අනුව ඇවන්ගාර්ඩ් සමාගමට සුපුරුදු පරිදි සිය ව්‍යාපාර කටයුතු කරගෙන යාමට ඉඩ ලැබෙන අතර සමාගමේ ඒකාධිකාරය සම්බන්ධයෙන් හා මුදල් ගනු දෙනු සම්බන්ධයෙන් සමතයකට එළඹ ඇත. ඒ අනුව ඉදිරියේදී තවත් සමාගම් කිහිපයකටම මේ සඳහා රක්නා ලංකා සමාගම සමඟ ගිවිසුම්වලට එළඹීමේ ඉඩකඩ විවර වනු ඇත.
රක්න ලංකා සමාගම හා ඇවන්ගාර්ඩ් සමාගම අතර 2014 දි අත්සන් කළ අවසන් ගිවිසුම අනුව 2019 ජනවාරි 27 වන දින දක්වා කිසිදු පාර්ශ්වයකට එම ගිවිසුම කඩ කල නොහැකි අතර යම් හෙයකින් එම පාවෙන අවි ගබඩා පවත්වාගෙන යාම සම්බන්ධයෙන් යම් බාධාවක් ඇති වුව හොත් රක්නා ලංකා සමගම විසින් ඇවන්ගාඩ් සමාගමට ඩෝලර් මිලියන 20 ක වන්දියක් ගෙවිය යුතුව තිබේ. මේ අනුව එම ගිවිසුම් අහෝසි කිරීම සිදු බරපතල ගැටලුවක් වන අතර එය ජනාධිපතිවරයාට ඇමැතිවරු දෙතුන් දෙනෙකුගේ කැමැත්ත පරිදි තිරණය කළ නොහැක.
කෙසේ නමුත් අප විසින් ජනාධිපතිවරයාගේ තීන්දුව යැයි ඇමැති රාජිත සේනාරත්න මහතා විසින් ප්‍රකාශයට පත් කළ ඇවන්ගාර්ඩ් ව්‍යාපාරය සම්බන්ද තීරණයට පෙර ඇවන්ගාර්ඩ් ගැටලුව සමතයකට පත් කර ගැනීමට ආණ්ඩුව එකඟතාවයකට පැමිණ තිබුණු බව අප වාර්තා කළෙමු.
එමෙන්ම සත්‍ය ලෙසම එම ව්‍යාපාරය විනාශ කර දැමීමට ජනාධිපතිවරයා තීරණය කළේ නම් එය ඉතා නරක පූර්වාදර්ශයක් වන අතර ඒ අනුව මෙරට ඕනෑම පෞද්ගලික ව්‍යාපාරයක් ජනාධිපතිවරයාට රජයට පවරා ගැනිමට නියෝග කළ හැකිය. ජනධිපතිවරයා ගත් මේ ප්‍රජාතන්ත්‍ර විරෝධි අත්තනෝමතික තීන්දුව ගැන මේවන විටත් මෙරට ව්‍යාපරික ක්ෂෙත්‍රය කැළැඹීමට පත්ව සිටින අතර, ඇවන්ගාර්ඩ ප්‍රශ්නය සම්බන්ධයෙන් කටයුතු කළ යුතුව තිබුණේ නීත්‍යානූකූලව විය යුතු නමුදු ජනතා විමුක්ති පෙරමුණද මේ සම්බන්ධයෙන් නිහඬව සිටින්නේ එය අනුමත කරන නිසාද යන්න ගැන ගටලුවක්ව පවතී.
කෙසේ නමුත් අප වෙත වාර්තවන පරිදී ජනධිපතිවරයා නාවික හමුදා පතිවරයාට දැනුම් දී ඇත්තේ එම ව්‍යපාරය නාවික හමුදාවට කළ හැකිද යන්න ගැන වාර්තාවක සකසා දෙන ලෙසත් ඇවන්ගාර්ඩ් සමාගම හා පවතින ගිවිසුම් පිළිබඳ පැහැදිලි කිරීමක් සහිත වාර්තාවක් ලබා දෙන ලෙස පමණය.
ඇවන්ගාර්ඩ් සමාගමට එරෙහිව සිදු කෙරුණු හා සිදු කෙරෙමින් පවතින පරීක්ෂණවලදී එම සමාගම නීතිවිරෝධී කිසිවක් සිදුව ඇති බව මේවනතුරුත් හෙළි කර ගැනිමට හැකිවීද නැත. ගැටළු සහගතභාවයන් අනාවරණය වී ඇත්තේ ආරක්ෂක අමාත්‍යංශය බලය අයුතු ලෙස යොදා ගැනීම සම්බන්ධයෙනි. එහෙත් ඒ සම්බන්ධයෙන් අල්ලස් හා දූෂණ විමර්ශන කොමිසම තවමත් පරීක්ෂණ කටයුතු සිදුකරමින් තිබේ.
සැබැඳි පුවත්:
ඇවන්ගාර්ඩ් ප්‍රශ්නය සමථයකට, තවත් සමාගම්වලටත් අවස්ථාව දෙයි
