හිටපු ජනාධිපති මහින්ද රාජපක්ෂ මහතා පෙරටුකරගෙන නව දේශපාලන ගමනක් යා හැකි බවට රට තුල මතයක් සකස් කිරීමට පසුගිය කාලය පුරා ඔවුන් උත්සහ කළද එය තව දුරටත් කළ නොහැකි බව පසුගිය සතියේදී ඔවුන් සාකච්ඡා කර තිබේ. විශේෂයෙන් ඔහුගේ සිංහල බෞද්ධ ජාතිවාදී ක්‍රියාකලාය නිසා සුළු ජාතිකයන් රාජපක්ෂ මහතාට ආකර්ශනය කර ගැනිමට ඉදිරි කාලයේදිවත් කළ නොහැකි බව ඔවුන්ගේ තීරණය වී තිබේ.
එමෙන්ම ඊට පසුව සලකා බැලූ ගොඨාභය රාජපක්ෂ මහතාද , දිනේෂ් ගුණවර්ධන මහතාද, ප්‍රසන්න රණතුංග මහතාද මේ කටයුත්තට නොගැලපෙන බවත් ඔවුන්ටද රාජපක්ෂ මහතාට එල්ල වූ චෝදනාම එලෙසින්ම බල පැවැත්වෙන බවත් එම කණ්ඩායමේ අදහසය. අවසන් වශයෙන් ඔවුන් එක්සත් ජාතික පක්ෂය නියෝජනය කරන විදේශ ඇමති මංගල සමරවීර මහතා සම්බන්ධයෙන්ද සාකච්ඡා කර තිබේ. සමරවීර මහතා එජාපය නියෝජනය කළ ද ඔහුගේ උරුමය තිබෙන්නේ ශ්‍රි ලනිපයේ වීමත් ජාත්‍යන්තරය පිළිගත් ලිබරල් ප්‍රජාතනත්‍රවාදියකු වීමත් ඊට හේතුවෙ තිබේ.
එහෙත් ඔහු සුළු ජාතීන් කෙරෙහි වැඩි නැබුරුතාවයක් දැක්වීම සිංහල බෞද්ධ ඡන්ද පදනම ආකර්ෂණය කර ගැනිම සම්බන්ධව ගැටලුකාරී බව ඔවුන්ට පෙනී ගොස් තිබේ. එම නිසා ඔහුවද අතහැර දමා තිබේ.
මේ කෙසේ නමුත් ඔවුන් හදිස්සියේ තම අනාගත නායකයා කවුරුන් විය යුතුද යන්න ගැන සාකච්ඡවක් ආරම්බ කර තිබේන්නේ වර්තමානයේ ප්‍රකට තරුණ ජොතිෂ්‍යවේදීයකු පවසා ඇති අනාගත වාඛ්‍යයක් නිසාය. ඔහු පවසා ඇත්තේ වත්මන් ජනාධිපතිවරයාගේ පාලන සමය තව වසර දෙකක් ඇතුලත නිමාවන බවය. එය භයංකර අනාවැකියක් වන නමුත් ඒ අවස්ථාවෙන් හෝ මහින්ද රාජපක්ෂ මහතාට ව්‍යවස්ථානුකුලවවත් රටේ නායකත්වය ලබා ගැනීමේ හැකියාවක් නැත.
එවිට ශ්‍රී ලනීපයේත් රටෙත් නායකත්වය නායකත්වය බාර ගැනීමට නායකයකු දැන්ම තබා නිර්මාණය කර ගතයුතු බව මේ වියතුන්ගේ අදහස වී තිබේ.
මෙම වියතුන්ගේ හඬ සංවිධානයේ නිළධාරීන් මෙසේය.
සභාපති මහාචාර්ය විමලධර්ම අබේවික්‍රම මහතා. ලෙකම් නීතිඥ දිනේෂ් දොඩම්ගොඩ මහතා .
උප සභාපතිවරු ලෙස ආචාර්ය නාලක ගොඩහේවා, මහාචාර්ය ජනිත ලියනගේ කටයුතු කරන අතර භාණ්ඩාගාරිකවරයා ලෙස අනුරාධා යහම්පත් මහත්මිය මෙයට සම්බන්ධව සිටී . මෙහි උපදේශකවරුන් ලෙස රසික් සරූක්, මහාචාර්ය ගාමිණී සමරනායක, මහාචාර්ය ක්ෂණිකා හිඹුරේගම, මහාචර්ය ජී එල් පීරිස්, මහාචාර්ය රජීව් විජේසිංහ, හා ආචාර්ය දයාන් ජයතිලක යන අය කටයුතු කරති. මෙහි බාරකාර අනුශාසක ලෙස මහාචාර්ය කඹුරුගමුවේ වජිර හිමි කටයුතු කරයි.
මෙම සංවිධානයේ මූල්‍යමය අනුග්‍රාහකත්වය හිටපු ජනාධිපති බිරිඳවන ශිරන්ති රාජපක්ෂ මහත්මියගේ සොහොයුරු ශ්‍රී මාල් වික්‍රමසිංහ මහතාය විසින් සපයයි.
