මෙම ජිෆී කර්මාන්තායතනය දේශපාලන බලය හා රජයේ නිළධාරීන්ට වරදාන වරප්‍රසාද ලබා දෙමින් මෙම පරිසර විරෝධී කර්මාන්තය පවත්වාගෙන යන බව දිගින් දිගටම චෝදනා එල්ල වී තිබිණි. ඒ අනුව පොහොර මහ ලේකම් කාර්යාලයේ අනුමැතිය ලැබීමකින් තොරව යෝදා ගත නොහැකි කැල්සියම් නයිට්‍රේට් සම්බන්ධයෙන් එල්ල වන මෙම චෝදනාව නිසා මීට මාස කිහිපයකට පෙර මෙම ආයතය පරික්ෂා කිරීම සඳහා එම ආයතනයේ නිළධාරීන් ගිය විට ඔවුන්ව තර්ජනය කර එලවා දැමිම සිදු කර ඇත. පසුව ඔවුන් මධ්‍යම පරිසර අධිකාරියට මේ සම්බන්ධයෙන් පැමිණිලි කළ නමුත් එම නිළධාරීන්ටද ආයතනය පරික්ෂා කිරීමට ඉඩ දී තිබුණේ නැත. ඉන් අනතුරුව කැල්සියම් නයිට්‍රේට් බලපත්‍රය අත් හි‍ටුවනු ලැබීය.
ඉන් පසුව මෙම ආයතනය රජයේ නිළධාරීන් සමඟ ගනුදෙනු කරන සුපුරුදු ක්‍රමයට කෘෂිකර්ම අමාත්‍යංශයෙයේ ලේකම් හා හිතවත්ව අදාල බලපත්‍රය සඳහා අනුමැතිය ලබා ගෙන තිබෙන බව දැන ගැනීමට තිබේ.
කෘෂි කර්ම අමැතිවරයා වන දුමින්ද දිසානායක බාල පොහොර හා බාල කෘෂි රසායන වලට එරෙහිව මාධ්‍ය සංදර්ශන පවත්වමින් යන අතරේ ඔහුගේ ලේකම්වරයා විසින් මේ විෂ රසායන බාවිතා කිරීමට ජි‍ෆි ආයතනයට අවසර ලබා දීම සිදුව තිබේ.
කෙසේ නමුත් අද දහවල් ජනධිපතිවරයා විසින් පරිසර වේදීන් කැඳවා මෙම ආයතනය විසින් සිදු කරමින් පවතින විනාශය ගැන කරුණු විමසා ඇති බව දැන ගැනිමට තිබේ, එහිදී ජිෆී ආයතනයෙන් යැපෙන වයඹ පරිසර අධිකාරියේ දුෂිත නිළධාරීන් ගැනද අනාවරණය කිරීමට පරිසරවේදීන් කටයුතු කර තිබෙන අතර. මධ්‍යම පරිසර අධිකාරියේ ඉහළ නිළධාරීන්ද එම තත්වයන් පිළිගෙන තිබේ. මේ සම්බන්ධයෙන් වහාම පියවරක් ගැනිමට ජනාධිපතිවරයා කටයුතු කරන බවට පොරොන්දු වී ඇත. එමෙන්ම විල්පත්තු වරාය නගර හා සොරගුණේ ගොල්ෆ් පිටිය හා තවත් පරිසර ගැටලු පිළිබඳව පරිසරවේදීන් සමඟ ජනාධිපතිවරයා සාකච්ඡා කර තිබේ.
