එමෙන්ම මෙම ස්ථානයේ මෙම ගබඩාව ඉදිකිරීම සම්බන්ධයෙන් වන අවදානම් තත්වය මේ පිහිටවූ හිටපු ජනාධිපති චන්ද්‍රිකා බණ්ඩාරණායක මහත්මියගේ යුගයේදි ඇතැම් විද්වතකු පෙනවා දෙනු ලැබූ නමුදු ඒ නොතකා හැර තිබේ.
ජනාකීර්ණ ප්‍රදේශයක මේ පිහි‍ටු වීම මුලිකම වරදය. පුපුරන ද්‍රව්‍ය ගබඩා කිරීමේදී බංකර් හෝ ඒ හා සමාන ලෙස සියලු දිසාවෙන්ම දැඩි ගනකම් කොන්ක්‍රීට් , පස් හෝ වැලි කණ්ඩි වලින් අනාවරණය වූ ස්ථානයක මේවා ගබඩා කළ යුතු නමුත් ආරක්ෂාව සම්බන්ධයෙන් ඉහළ වගකීමක් දැරිය නොහැකි ගොඩනැගිල්ක මේ ගබඩාව පවත්වාගෙන ගොස තිබේ. මේ හේතුව නිසා ගින්නෙන් පසුව වන පිපිරීම් නිසා කිලෝමීටර 6ක පමණ ප්‍රදේශයක් දක්වා අනාරක්ෂිත විය.
එසේම මෙහි තිබූ පතොරොම් හා බොම්බ වර්ග වසර විස්සකටත් පෙර නිශ්පාදිත හා මේ වන විට කල් ඉකුත් වෙමින් තිබූ එවා බවද පැවසේ. යුද සමයේදී අඩුමිල ගනන් යටතේ මේවා ලාබා ගෙන තිබේ. පසුගිය යුධ සමයේදී පවා මේ ගබඩා පවත්වාගෙන ගියේ මේ අනාරක්ෂිත තත්වයන් යටතේය.
මේ අතර මෙම ගින්න සම්බන්ධයෙන් ආරක්ෂක අංශ ආරංචි මාර්ග පවසන්නේ ඉදිරියේදී සිදුවීමට නියාමිත නව හාමුදාපතිවරයා පත් කිරීමේ දැඩි තරගකාරිත්වය හා සම්බන්ධ කුමන්ත්‍රණකාරි ක්‍රියාවක් විය හැකි බවය. මන්ද මේ ගබඩාව සම්බන්ධයෙන් වගකීම් උසුලන මේජර් ජනරාල් වරයකු මීළඟ හමුදාපති තේරීමේ සටනේ ඉදිරියෙන්ම සිටින්නකු වීමය.
