මෙහිදී ඩොනල්ඩ් ට්‍රම්ප් වෙත එල්ලවී ඇති ප්‍රධාන චෝදනාවට පදනම්වී තිබෙන්නේ ට්‍රම්ප් විශ්වවිද්‍යාලය හරහා සිදුකල ඉපයීම් සම්බන්ධවය. එකී චෝදනා ගොනුකර තිබෙන්නේ ට්‍රම්ප් විශ්වවිද්‍යාලයේ පැරනි ශිෂ්‍යයින් විසින් වන අතර ඊට අනුව ට්‍රම්ප් නාමය භාවිතා කර සිසුන් වෙතින් වංචාකාරීව මුදල් උපයා ගැනීමට රිපබ්ලිකන් අපේක්ෂකයා සෘජුව දායකවී ඇතුවා පමණක් නොව උපදේශනය සැපයීම යටතේ ඇමරිකන් ඩොලර් මිලියන 40 ක් ලබාගෙන ඇත.
මේ සම්බන්ධව නිව් යෝක් ප්‍රාන්ත නීතිපති එරික් ස්නීඩර්මන් පසුගිදා රුපවාහිනී වැඩසටහන් කිහිපයකට සහභාගීවී ප්‍රසිද්ධියේම ට්‍රම්ප් වෙත චෝදනාකර ඇත. එහිදී ඔහු සඳහන් කර තිබෙන්නේ නීති විරෝධී, ලියාපදිංචි නොකල විශ්වවිද්‍යාල පවත්වාගෙන යාමට සහ ඒ හරහා ඉපයීම් සිදුකිරීමට දායක වීම සාපරාධී ක්‍රියාවක් බවත් ඊට අදාළ නීති එක්සත් ජනපදය සතු බවත්ය. මීට අමතරව කූට සහ අයතා ඉපයීම් සම්බන්ධව ඇමරිකානු පුවත්පත් ට්‍රම්ප් වෙත චෝදනා එල්ල කරමින් ඇත.
ඩෙමොක්‍රටික් පක්ෂය නියෝජනය කරන හිලරි ක්ලින්ටන් ට එරෙහිව ඉදිරිපත්ව ඇති සාපරාධී චෝදනාව වන්නේ ඇය රාජ්‍ය ලේකම්වරියව සිටි සමයේ ආන්ඩුවට සම්බන්ධ ඇගේ සියලු සන්නිවේදන පුද්ගලික විද්‍යුත් සේවාදායකයෙක් (server) හරහා හැසිරවීමය. මෙය තොරතුරු දැනගැනීමේ නිදහස පිලිබඳ පනතේ ප්‍රතිපදාන නොසලකා, ඇගේ ලිපි හුවමාරු පැහැදිලිවම තම පාලනය යටතේ තබා ගැනීමේ අපේක්ෂාවෙන් කෙරුනු සැලැස්මක් බව චෝදනා හරහා කියවේ. මේ පිළිබද එක්සත් ජනපද FBI පරීක්ෂණ තවමත් සිදුවන අතර එහිදී පරීක්ෂණ වලදී බොරු සාක්ෂි දීම සම්බන්ධව ඇය වගඋත්තරකාරියක වීමට ඉඩ ඇති බව විදෙස් මාධ්‍ය වාර්තා කරයි.
වාර්තාව : සජමලි
