ඒ අතර පෞද්ගලික අංශයේ බස් හිමියන් කිහිප දෙනෙකුට අවශ්‍ය පරිදි එම අංශයේ බලපත්‍ර නිකුත් කිරීම , ගමන් වාර ලබාදිම ආදිය සම්බන්ධයෙන් බරපතල චෝදනා රැසක්ද සභාපතිවරයාට එල්ලව තිබේ.
එමෙන්ම ගාල්ලෙ පැවැති මැයි දිනය සඳහා ප්‍රවාහන ඇමැති නිමල් සිරිපාලද සිල්වා ගේ ආධාර කරුවන් බදුල්ලෙ සිට ගාල්ලට ගෙන ඒම වෙනුවෙන් රුපියල් 180 ගනනෙ බත් පැකට් 2000ක් සහ රුපියල් 1200 ගනනේ අරක්කු බොතල් 100 ක් වෙනුවෙන් බස් හිමිකරුවකු රුපියල් 3,60,000 ක් වැය කර තිබේ. පසුව කොමිසමේ සභපතිවරයා විසින් එම බස් හිමිකරුවාගේ වියදම පියවන්නැයි කියමින් මාතර ප්‍රදේශයේ අනෙකුත් බස් රථ හිමියන්ගෙන් මුදල් එකතු කිරීමක් සිදු කර ඇති බවටද චෝදනාවක් තිබේ.
මෙලෙස තවත් අක්‍රමිකතා රැසක් සම්බන්ධයෙන් එල්ල වී ඇති චෝදනා විභාග කර බලා මෙරට පෞද්ගලික අංශයේ බස් රථ හිමියන්ට වන අසාධාරණය සම්බන්ධයෙන් පියවරක් ගන්නා ලෙස මෙම සේවක පිරිස ජනාධිපතිවරයාගෙන් ඉල්ලා සිටී.
මේ අතර සමස්ත ලංකා ප්‍රවාහන සේවක සංගමය විසින් කොමිසමේ සභාපතිවරයා විසින් ඒකාබද්ධ කාලසටන් ක්‍රමයක් හඳුන්ව දෙමින් පෞද්ගලික අංශය ශක්තිමත් කිරීමට වෙර දරන බවට චෝදනාවක් ද ඉදිරිපත් කර ඇත.
