මේ සම්බන්ධයෙන් අද පාර්ලිමේන්තු ලොබියේදී මහින්දානන්ද අලුත්ගමගේ හා රංජන් රාමනායක අතර වූ බහින් බස් වීමකදි රංජන් විසින් තමන් අතින් වරදක් වු බව පිලිගෙන සමාව ඉල්ලා තිබේ. ඒ අතරේදී එජාප මන්ත්‍රීවරු කණ්ඩායමක් මහින්දානන්දගේ කෑ කෝ ගැසීම ඇසී එතැන්ට දිව එත්ම රංජන රාමනායක ' වන් ෂොට්' බවට වෙස් මාරු කරගෙන ඔලුවට පපුවට දෙතින් ගසා ගනිමින් අපිත් කාරාටි කාරයෝ අපිටත් කලුපටි තියෙනවා යැයි කියමින් මහින්දා නන්දට පා පහරක් එල්ල කර ඇත. එම අවස්ථාවේදි මහින්දානන්ද රංජන්ගේ කණ හරහා පහරක් එල්ල කර තිබෙ. ඉන් අඩ පණ වු රංජන්ට පසුව දැඩි ප්‍රහාරයකට ලක් වීමට සිදුව තිබූ අතර අනෙක් එජාප මන්ත්‍රීවරු මැදිහත් වී රංජන්ව බේරාගෙන තිබේ.
අද මාධ්‍ය හමුවේදී නියෝජ්‍ය ඇමති රංජන් රාමනායක කියා සිටියේ මෙම වාහනය පසුගිය රජය සමයේ ක්‍රීඩා අමාත්‍යංශය සතු වාහනයක් බවත්, එවකට ක්‍රීඩා අමාත්‍යවරයාව සිටියේ මහින්දානන්ද අලුත්ගමගේ මහතා බවත්ය. එහෙත් මෙම රථය අයත්ව ඇත්තේ වත්මන් හබීබි මොහොමඩ් මොහොමඩ් හරීස් ක්‍රීඩා නියෝජ්‍ය ඇමැතිවරයාට බවත් දැන ගැනිමට තිබේ. හිටපු ඇමැති මහින්දා නන්දට කේන්ති ගොස් තිබුණේ තමාව පටලවා ලෝක බොරුවක් රංජන් විසින් මාධ්‍ය ඉදිරියට පැමින ප්‍රකශ කිරීම සම්බන්ධයෙනි. සාමානයයෙන් රංජන් රාමනායක මෙයට පෙරද මෙවැනී පට්ට පල් බොරු මාධ්‍යට ප්‍රකාශ කර තිබේ.
මෙම මාධ්‍ය හමුව අවස්ථාවේදි ඔහු මෝටර් රථ ප්‍රවාහන දෙපාර්තමේන්තුවේ නිලධාරියෙකු දුරකථනයෙන් සම්බන්ධ කර ගනිමින් ජී.ඊ 2034 අංක තහඩුව සහිත එම වාහනය ලියාපදිංචි කර ඇතිදැයි විමසූවිට අදාළ නිලධාරියා එවැනි අංකයක් සහිත වාහනයක් ලියාපදිංචි කර නැති බව කියා සිටියේය.
සාමාන්‍ය පුද්ගලයෙකු ලියාපදිංචි නොකළ වාහනයකින් ගමන් කළහොත් ඔහුට අත්වන ඉරණම ගැන එහිදී අදහස් පළකළ ආනන්ද අලුත්ගමගේ මන්ත්‍රීවරයා මෙම වාහනය මනුෂ්‍ය ඝාතන, පහරදීම් ඇතුළු දූෂණ වංචා රැසකට සම්බන්ධ බවත්, ඊට අදාළව නාවලපිටිය හා කුරුඳුවත්ත පොලිසිවල පැමිණිලි ඇති බවත්, මාධ්‍යවේදීන් හමුවේ කියා සිටියේය.
ඔහු පැවසුවේ ඉහත කී චෝදනා සම්බන්ධයෙන් අධිකරණයේ නඩු ඇති බවත්, මෙම අංකය සහිත වාහනය ද උසාවිය විසින් පොලිසියට සොයන ලෙස දැනුම්දි ඇති බවත්ය.
හිටපු ක්‍රීඩා අමාත්‍ය මහින්දානන්ද අලුත්ගමගේ මහතාට ද දූෂණ වංචා චෝදනා රැසක් එල්ල වී තිබියදී එවැනි පුද්ගලයෙකු කෝප් කමිටුවට පත්කර ඇතැයිද හිටපු අමාත්‍යවරයාගේ ඥාති සහෝදරයෙකු ද වන ආනන්ද අලුත්ගමගේ මහතා එහිදී වැඩිදුරටත් පෙන්වාදුන්නේය.
කෙසේ වුවද දැන් එම වාහනය මෙතැන ඇති බවත්, වගකිව යුතු නිලධාරීන් මේ ගැන සොයාබැලිය යුතු බවත්, නියෝජ්‍ය ඇමති රංජන් රාමනායක මහතා අවධාරණය කළේය.
ඔහු කියා සිටියේ ඇමතිවරු කෝටි දෙකේ, තුනේ වාහන මිලදී ගැනීමට කතා කරන අවස්ථාවක මෙවැනි වාහන එකතැන දිරාපත් වීමට නොදී ප්‍රයෝජනයට ගත යුතු බවයි.
මෙම වාහනය පසුගිය මැයි 13 වැනිදා සර්විස් කර ඇති බවත්, අවසන් වරට එය මන්ත්‍රී නිල නිවාස සංකීර්ණයට පැමිණ ඇත්තේ 2016.05.14 වැනිදා බවත්, එය කිලෝමීටර් තුන්ලක්ෂ ගණනක් ධාවනය කර ඇති බවත්, මාදිවෙල මන්ත්‍රී නිල නිවාස සංකීර්ණයේ පොලිස් මුරපොළ නිලධාරීන් වෙත මාධ්‍යවේදින් කැටුව යමින් නියෝජ්‍ය ඇමතිවරයා තහවුරු කරගත්තේය.
