පසුගිය කාලය පුරා මෙම ජල විදුලි බලාගාරයට දැඩි මහජන විරෝධයක් එල්ලවූ අතර ගාල්ලෙ සංවර්ධන කමි‍ටු සභාපති කැන්ටර් පියසේන හෙවත් පියසේන ගමගේ නම් පජාත දේශපාලකයා විසින් මැර තර්ජන උපයෝගී කරගෙන ඒ මැඩ පැවැත්වීමට උත්සහ ගත් බව අප මෙයට පෙර හෙළි කළෙමු. කෙසේ නමුත් මෙම විරෝධතාවය නිසා ජනාධිපතිවරයා මේ සම්බන්ධයෙන් වන නව වාර්තාවක් තමාට ලබා දෙන ලෙස දිස්ත්‍රික් ලේකම් වරයා ඇතුළු වගකිවයුතු රජයේ නිලධාරීන්ට නියෝග කර තිබිණි.
ඒ අනුව පියසේන ගමගේ විසින් තමන්ගේ හෙංචයියකු වන අතිරේක දිස්ත්‍රික් ලේකම්වරයාගේ ප්‍රධානත්වයෙන් එම ප්‍රදේශයේ රැස්වීමක් කැඳවා එම රැස්වීම සඳහා ඇත්ත ප්‍රදේශවාසීන් වෙනුවට පියසේනගේ මැරයන් ගෙන්වා ව්‍යාජ රැස්වීමක් පැවැත්වීය. මේ ව්‍යාජ රංගනය හෙළි දරව් කිරීමට එම අවස්ථාවේදී පරිසර වේදියාකු හා සත්හඬ පුවත් පතේ ජේෂ්ඨ මාධ්‍යවේදී දයා නෙත්තසිංහ මහතා සමත් වූ අතර එහිදී පියසේනගේ මැරයන් විසින් ඔහුට ප්‍රහාරයක්ද එල්ල කරන ලදී. එම අවස්ථාවේදී අතිරේක දිසාපතිවරයාද ඔහුට තර්ජනය කර තිබුනේ මෙවා මාධ්‍ය සංදර්ශන මගින් වැලැක්විය නොහැකි බවත් ජල විදුලි බලාගාරය කෙසේ හෝ ඉදිකරන බවය.
අදාල රැස්වීමේදී බලාගාරයට ජනතා අනුමැතිය හිමිවූ බවට ව්‍යාජ ලේඛනයක් සකසා ජනාධිපතිවරා ඇතුලු රජයේ නිලධාරීන්ට මේවන විට යොමු කර අවසන්ය. මේ ඇත්ත ගැන පත්තර වල තොරතුරු පල වූවොත් හැර ජනාධිපතිවරයාද මේ බොරු වාර්තාව අනුමත කොට මේ විදුලි බලාගාරයට ඉඩදීමේ සම්බාවිතව ද ඉතා ඉහළය.
මේ සම්බන්ධයෙන් අප කළ සොයා බැලිමකදි වාරිමාර්ග දෙපාර්තමෙන්තු මූලාශ්‍ර වෙතින් හෙළි වූයේ මෙම ව්‍යාපෘතිය අනුමත කරන ලෙස දේශපාලකයන් ගන්නාවකින් ඔවුන්ට දැඩි බලපැම් එල්ලවී ඇති බවය.
මේ අතර ගාල්ලේ ජනතාවගෙන් ප්‍රතික්ෂේප වූ ඩබල් ගේම් දේශපාලකයකු වූ පියසේන ගමගේව දකුනේ ආණ්ඩුකාර ධුරයට පත් කිරීමටද ජනාධිපතිවරයා තීරණය කොට ඇති බවටත් මේ දිනවල මාධ්‍ය වාර්තා පළාවෙමින් තිබේ.
සැබැඳි පුවත්:
ආඳා දොලේදී රෙදි ගැලවුණ කැන්ටර් පියසේන තවත් කුප්ප වැඩක් කරයි
පියසේනගේ මැරයෝ මාධ්‍යවේදී දයා නෙත්තසිංහට පහර දෙති.
පියසේන ගමගේ ජනාධිපතිව මෝඩයාට අන්දවන හැටි
ආඳාදොල ධම්මිකට දෙනකම් පියසේනට නින්දයන් නෑලු. සිරිසේනටත් වගේ වගක් නැතිලු
