නව වෘත්තීය සමිති ව්‍යාපාරයක් ආරම්භ වුවද, ඊට තමන්ගේ සම්බන්ධයක් නොමැති බව සෞඛ්‍ය අමාත්‍යවරයා අවධාරණය කර සිටි. වෘත්තීය සමිති ව්‍යාපාරයක් නිර්මාණය කරනු ලබන්නේ වෛද්‍යවරුන් මිස සෞඛ්‍ය අමාත්‍යවරයා නොවන බවත්, මෙය ප්‍රථම වතාවට සිදුවන කර්තව්‍යයක් නොවන බවත්, හෙතෙම පෙන්වා දෙයි. උදාහරණයක් ලෙස විශේෂඥ වෛද්‍යවරුන් ඒකාබද්ධව විශේෂඥ වෛද්‍යවරුන්ගේ සංගමයක් බිහි කර ගත් බව සෞඛ්‍ය අමාත්‍යවරයා සදහන් කරයි.
නව වෘත්තීය සමිති ව්‍යාපාරයක් බිහි කර එහි උත්සවයකට ආරාධනා කළ විට තමන් ඊට සහභාගී වන බවත්, සෞඛ්‍ය අමාත්‍යවරයා කියා සිටි. සෞඛ්‍ය අමාත්‍යාංශයේ ඔිනෑම වෘත්තීය සමිති ව්‍යාපාරයක් තම සංගමයේ රැස්වීම් සදහා ආරාධනා කළ විට තමන් ඊට සහභාගි වන බව පෙන්වා දෙන සෞඛ්‍ය අමාත්‍යවරයා මීට මාස 02 කට පෙර හෙද සංගම් 02 ක උත්සව එකම දිනයක දී යෙදී තිබුණ බවත්, ඊට ද තමන් සහභාගි වූ බව අවධාරණය කර සිටී.
වෛද්‍ය සංගම් වල ගැටළු විසදා ගැනීම ඔවුන්ගේ ක්‍රියාදාමයක් බවත්, වෛද්‍ය සංගම් වල මතුව ඇති භේද හේතුවෙන් නව වෘත්තීය සමිති ව්‍යාපාර බිහි විය හැකි බවත් සෞඛ්‍ය අමාත්‍යවරයා පෙන්වා දෙයි. එම නිසා නව සංගමයක් බිහි කිරීමේ වැඩපිළිවෙලට තමන්ගේ සම්බන්ධයක් නොමැති බවට සෞඛ්‍ය අමාත්‍යවරයා අවධාරණය කර සිටි.
