පසුගිය යුධ සමයේදී බුද්ධි අංශ අධ්‍යක්ෂවරයා ලෙස ඔහු කටයුතු කළ අතර එම කාල වකවානුවේදී බුද්ධි අංශ විසින් සිදු කර තිබූ දේශපාලන හා පෞද්ගලික පලිගැනීම් සම්බන්ධයෙන් ඔහුටද චෝදනා රැසක් එල්ල වී තිබේ. ඒ සම්බන්ධයෙන් අපරාධ පරීක්ෂණ දෙපර්තමේතුව විමර්ශන පවත්වමින් තිබෙන අතර කරුණාසේකර මහතාගෙන් ප්‍රකාශ සටහන් කර ගැනීමද මේ වන විට සිදුව තිබේ. මේ චෝදනා හේතුවෙන් පසුගිය කාලයෙහි කරුණාසේකර මහතාව අත් අඩංගුවට ගැනීම සඳහා පොලිසිය උත්සාහයක් දරමින් සිටි බවට මාධ්‍ය වාර්තා පලවී තිබිණි. කරුණාසේකර මහතා හිටපු ආරක්ෂක ලේකම් ගෝඨාභය රාජපක්ෂ මහතාට ඉතා සමීපව කටයුතු කළ නිලධාරියකු ලෙස ප්‍රකටය.
ඔහු මේ වන සපුගස්කන්ද ආරක්ෂක සේවා සහ මාණ්ඩලික විද්‍යාලයේ ආඥාපතිවරයා ලෙසද ඔහු සේවය කරයි.
කෙසේ නමුත් නව යුධ හමුදාපතිවරයා එම තනතුර බාර ගැනීමෙන් පසුව හමුදාවට එල්ල වී ඇති අපරාධ චෝදනා විමර්ශනය සම්බන්ධයෙන් සිය සහය ලබා දෙන ප්‍රකාශ කෙරුණු අතර ඒ ක්‍රියාත්මක වන්නෙ කෙලෙසකදැයි නුදුරේදී ඔහු විසින් පෙන්වා දිය යුතුවද තිබේ.
1981 වර්ෂයේදී කැඩෙට් නිලධාරියෙකු ලෙස යුද හමුදාවට එක්වන අමල් කරුණාසේකර මහතා 1984 වර්ෂයේදී දෙවන ලුතිනන් ලෙස ශ්‍රී ලංකා යුද හමුදාවේ පාබල රෙජිමේන්තුව හා එක්විය.ඔහු 2018 මාර්තු මස 13 වන දිනට වයස අවුරුදු 55 සපුරා විශ්‍රාම යෑමට නියමිතය.
වෘත්තීමය හමුදා ක්ෂේත්‍රයේ වසර 36කට වැඩි කාලයක් දක්ෂතා පෙන්නුම්කර ඇති ඒ මහතා විදෙස් රටවල් රැසක උසස් අධ්‍යාපනය හදාරා තිබේ. සිදු කළ විශිෂ්ට සේවාව වෙනුවෙන් රණ වික්‍රම, රණශූර, විශේෂ සේවා සහ උත්තම සේවා යන පදක්කම්වලින් ද මේජර් ජනරාල් අමල් කරුණාසේකර මහතා පිදුම් ලබා තිබේ.
