ජනාධිපතිවරයා කිසිසේත්ම ජාතික ආණ්ඩුව බිඳ දැමීමේ උත්සාහයක නැති නමුත් දේශපාලන කුමන්ත්‍රණකරුවන් විසින් මාධ්‍ය හරහා රටේ නැති ප්‍රශ්න මවමින් සම්මුතික ආණ්ඩුව අවසන් බවට බොරු පුවත් ප්‍රචාරය කරමින් රට ව්‍යාකූල කිරීමට දරණ තැත සම්බන්ධයෙන් වඩා වගකීම් සහගත ලෙස කටයුතු කරන ලෙසද මෙහිදී ඉල්ලා තිබේ.
අද දින ශ්‍රීලනිපය ප්‍රමුඛව මහින්ද රාජපක්ෂ කණ්ඩායම පාර්ලිමේන්තුවේදී සිය බහුතරය පෙන්වීමට කටයුතු කරන බව පවසූවද එවැනි කිසිම සූදානමක් තිබෙන බව පෙනෙන්නට නොමැත. එම කණ්ඩායම නියෝජනය කරන පිරිසෙන් අඩක්වත් අද දින පාර්ලිමේන්තු පැමිණ නොසිටීමද විශේෂ කරුණකි.
මේ අතර මේ වන විට කල් ඉකුත් වී තිබෙන ශ්‍රීලනීප එජාප ජාතික ආණ්ඩු ගිවිසුම ඉක්මනින් අලුත් කිරීමටටහ් කැබිනට් මණ්ඩල සංශෝධනයක් ඉදිරි දින කිහිපයේදී සිදු කිරීමටත් මේ වන විට දෙපාර්ශ්වය කටයුතු කරමින් තිබේ.
