ගෝඨාභය රාජපක්ෂ මහතා මසක පමණ කාලයක් චීනයේ යුනාන් සරසවියේ අධ්‍යයන කටයුතුවල නිරත වීමට නියමිතය.
මේ අතර පසුගියදා මෙරට නව චීන තානාපතිවරයා ලෙස පැමිණි චීන කොමියුනිස්ට් පක්ෂයේ දේශපාලන නියෝජිතයා සමඟ ගොඨභය විශේෂ සාකච්ඡා වට ගනනාවක්ම පැවැත්වූ බවද වාර්තා විය.
චීනයේ CICIR (China Institutes of contemporary International Relations) ආයතනය මෙරට දේශපාලනය කළමනාකරණය කිරීම මෙහෙයුමකට සම්බන්ධව සිටින බවත් ගෝඨාභය රාජපක්ෂ මහතාව ශ්‍රීලනිපයේ 2020 ජනාධිපති හෝ අගමැති අපේක්ෂකයා කිරීමේ මෙහෙයුමක සිටින බව මීට පෙර අනාවරණය වී තිබිණි. මෙම ආයතනය චීනයේ විදේශ ප්‍රතිපත්ති සැකසීම වෙනුවෙන් වඩාත්ම බලපෑම් සහගත ආයතනයක් ලෙස සැලකෙන අතර චීන පාලක පක්ෂය වන කොමියුනිස්ට් පක්ෂයේ අධීක්ෂණය යටතේ ක්‍රියාත්මක වන බුද්ධි මණ්ඩලයකි.
එසේම මෙම වැඩසටහන පාත් ෆයින්ඩර් නම් රාජ්‍ය නොවන සංවිධානයේ සභාපතී, ජනාධිපතිවරයගේ ජාත්‍යන්තර කටයුතු උපදේශකයකු මෙන් පෙනී සිටින මිලින්ද මොරගොඩගේ මැදිහත් වීම අනුව ක්‍රියාත්මක වන්නක් බවද දැන ගැනිමට තිබේ. මිලින්ද මොරගොඩ යනු කිලි මහරාජා විසින් මෙහෙයවන දේශපාලන පිල්ලියක් වන අතර ගොඨාට දේශපාලනය ඉගැන්වීමේ කොන්ත්‍රාත්ත්ව බාර දී තිබෙනෙ ඔහුටය.
එමෙන්ම ගොඨා මේ වන විටත් ජනාධිපති මෛත්‍රීපාල සමඟ ඉතා සමීප සම්බන්ධතාවයක් පවත්වාගෙන යයි. එමෙන්ම කිලී මහරාජා ජනාධිපතිවරයා හා ගෝඨා සමඟ ද ඉතා සමීප සම්බන්ධතාවයක් නඩත්තු කරමින් සිටී. ජනාධිපතිවරයාගේ මාධ්‍ය අංශය මුලුමනින්ම කිලී මහරාජා විසින් මෙහෙයවනුද ලබයි.
