විශ්වාසභංගයෙන් අගමැතිවරයාව පරාජය කරන බවට වහසි බස් දෙඩවූවන් දැන් අගමැතිවරයාට ඉල්ලා අස්වන ලෙස කියන්නේ වෙන කිසිවකට නොව එය පරාජය වුවහොත් ආණ්ඩුව විසුරුවීමට සිදුවන බැවිනි. ඉන් පසුව අගමැති රනිල් යටතේ මේ ශ්‍රිලනිපයේ තක්කඩියන්ට ඇමැතිකම් නොලැබීම නියත වශයෙන්ම සිදු වනු ඇත..
එය වලක්වා ගැනීමට නම් අගමැති ඉල්ලා අස්වී තමන්ට නැටවිය හැකි එජාප මන්ත්‍රීවරයෙක් අගමැතිධුරයට පත් කර ගැනීමට අවස්ථාව තිබේ. මේ අවස්ථාව ලබා ගැනීමට මේ වන විට සජිත් ප්‍රේමදාස සැදී පැහැදි සිටින බවත් වාර්තා වේ.
එහෙත් එජා පෙරමුණ අද සවස ඒකමතික තීන්දුවක් ගෙන තිබුනේ විශ්වාසභංගය පරාජය කිරීමටය. අගමැති ඉල්ලා අස් නොවීමටය. ඒ අනුව සජිත් ප්‍රේමදාස ඇතුලු රනිල් විරෝධීන්ට ඒ වෙනුවෙන් අත එසවීමට සිදු වනු ඇත. එසේ නොවුන හොත් එජාපය පරාජය වීමෙන් පසුව ජනාධිපතිවරයා පිහි‍ටුවනු ලබන අලුත් ආණ්ඩුවක මේ කට්ටියට ඇමැතිකම් විශ්වාස නැත. රාජපක්ෂලාගේ සහයද ඒ අලුත් ආණ්ඩුවට ගැනීමට සිදුවන නිසා එජාපයේ වත්මන් ඇමැතිවරුන්ට ලැබෙන අවස්ථාව සීමා සහිතය.
මේ අතර දෙමළ ජාතික සංධානය අගමැතිවරයාට සහය පළකිරිමට තීරණයක් ගෙන ඇත. එය හෙට ප්‍රකාශයට පත් කරනු ඇත. එසේම මේ තත්වය හමුවේ ශ්‍රීලනීපයේ ඇමැතිවරු 15 දෙනෙකු පමණ ඡන්දය දීමෙන් වැලකී සිටිනු ඇති බව දැනගැනීමට තිබේ.
