විශ්වාසභංගයෙන් බලාපොරොත්තු වූ දේ සිදු වුයේ නැති බවට මාධ්‍යවේදියෙකු නැගූ ප්‍රශ්ණයකට පිලිතුරු ලෙස ඔහු මේ බව පැවසීය.
ජී එල් පීරිස්ගේ හේතු දැක්වීම අනුව මෙම විශ්වාසභංගයට සහය වූ පොහොට්‍ටු කණ්ඩායමේත් ශ්‍රීලනීප කණ්ඩායමේත් අරමුණ වී ඇත්තේ ශ්‍රීලනීපය විනාශ කිරීම පමණක් නොව ආණ්ඩුවද විනාශ කර රට අරාජික කර අවසානයේ ජනාධිපතිවරයාගේ පැවැත්මද අහෝසිකර දැමීම බව පැහැදිලිය. එනම් ශ්‍රිලනිපයේ 16 දෙනාගේ කල්ලිය යනු ජනාධිපතිවරයාත් ආණ්ඩුවත් රටත් ජනතාවත් විනාශ කිරීම වෙනුවෙන් කල්ලි ගැසුනු මජර කාලකණ්නි කණ්ඩායමක් බවය.
කෙසේ නමුත් මෙම විශ්වාසභංගයේ අවසන් ප්‍රතිපළය වනු ඇත්තේ ශ්‍රීලනීපය කැබලි වීම බව අප මීට පෙර පෙන්වා දී ඇත්තේමු. ජනාධිපති මෛත්‍රීපාල සිරිසේන දිගින් දිගටම මහින්ද රාජපක්ෂගේ ලණු ගිලීමත්, කිලී මහරාජා වැන්නවුන් විසින් රූඩයක් ලෙස නැටවීමත් හා ගොබ්බ ජනාධිපති උපදේශකයන්ගේ ගොබ්බ උපදෙස් නිසා ජනාධිපතිවරයා දේශපාලනික අනාතයෙක් බවට පත්ව හුදකලා වීමකට ලක්වන බව අප වෙලාසනම පෙන්වා දුන්නෙමු. අද ජී එල් පීරිස් සපත කළේ ඒ සත්‍යය.
එහෙත් ජනාධිපතිවරයා තමන්ගේ ග්‍රාම්‍ය දේශපාලන චින්තනයෙන් තවමත් අත් මිදීමට සමත් නැති තත්වයක් තුල.. ඔහුම 2008 ජනවාරි 08 වෙනිදා පැවසූ ලෙස පැරදුනා නම් ඉන්න වෙන්න අඩි හයක් යටය කියන කියමන සනාත කරමින් නුදුරේම ඒ වළ ඔහු විසින්ම කපා ගනු නියතය. එය ද අප මෙසේ වේලාසන ලියා තබමු.
