අමාත්‍යවරයා මේ බව ප්‍රකාශ කළේ පසුගිය දා අමාත්‍යාංශයේදී පැවැති පාරිභෝගික කටයුතු පිළිබඳ බලධාරීන්ගේ සාකච්ඡාවේදීය.
මෙහිදී වැඩිදරටත් අදහස් දක්වමින් කතා කළ අමාත්‍ය රිෂාඩ් බදියුදීන් මහතා මෙසේද පැවසීය.
"පාරිභෝගිකයා ආරක්‍ෂා කිරීමේ දී, පාරිභෝගික කටයුතු අධිකාරියට අවශ්‍ය බලතලවල පවතින අඩුපාඩු ඉමහත් බාධාවක් වී තිබෙනවා. එම නිසා කූට වෙළෙඳුන්ගෙන් පාරිභෝගිකයා ආරක්‍ෂා කිරීම සඳහාත් ව්‍යාපාරික ප්‍රජාව යහපත් හා ගුණවත් ව්‍යපාරික සේවාවන් සඳහා පෙළඹවීමටත් අවශ්‍ය වන නෛතික බලතල , පාරිභෝගික ආරක්‍ෂණ පනතට ඇතුළත් කළ යුතුයි. ඒ සඳහා පනත බලවත් කිරීමට අවශ්‍ය සංශෝධන මේ වන විටත් අප සකස් කර තිබෙනවා. එකී සංශෝධන ආශ්‍රිත නෛතික කටයුතු අවසන් කිරීම කඩිනමින් ඉටු කරන ලෙස මම පාරිභෝගික කටයුතු අධිකාරියට දන්වා සිටිනවා."
මෙම සාකච්ඡාවට අමාත්‍යාංශ අධ්‍යක්‍ෂ ඉන්දිකා රණතුංග, පාරිභෝගික කටයුතු අධිකාරියේ අධ්‍යක්‍ෂ ජනරාල් ෆවුෂර් ෂෙරිෆ්ඩින් මහත්ම මහත්මීන් ඇතුළු පිරිසක් සහභාගී විය.
